୪ ଘଣ୍ଟା ପରେ ଆୟତ୍ତକୁ ହେଲା ଚୌଧୁରୀ ବଜାର ନିଆଁ

ଓଡ଼ିଶା 365 (ବ୍ୟୁରୋ):  ପ୍ରାୟ ୪ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ଚୌଧୁରୀ ବଜାର ନିଆଁକୁ ଆୟତ୍ତକୁ କରିଛି ଅଗ୍ନିଶମ ବାହିନୀ । ୯ଟି ଅଗ୍ନିଶମ ଟିମର ଅକ୍ଲାନ୍ତ ପରିଶ୍ରମରେ ନିଆଁକୁ ଆୟତ୍ତ କରିବା ସମ୍ଭବ ହୋଇଛି । ଆଜି ସକାଳୁ ସକାଳୁ କଟକ ଚୌଧୁରୀ ବଜାର ସ୍ଥିତ ଏକ ୫ ମହଲା ଡ୍ରେସ ଦୋକାନରେ ଭୟଙ୍କର ନିଆଁ ଲାଗିଥିଲା । ନିଆଁ ଏତେ ମାତ୍ରାରେ ବ୍ୟାପୀଥିଲା ଯେ ନିଆଁକୁ ଆୟତ୍ତ କରିବା ଅଗ୍ନିଶମ ବାହିନୀ ପାଇଁ କାଠିକର ପାଠ ହୋଇପଡ଼ିଥିଲା। ଫଳେର ଗେଟେ ପରେ ଗୋଟେ ୯ଟି ଅଗ୍ନିଶମ ଟିମର ନିଆଁ ଲିଭାରେ ସାମିଲ ହୋଇ ଅକ୍ଲାନ୍ତ ପରିଶ୍ରମ କରି ନିଆଁକୁ ଆୟତ୍ତ କରିଛନ୍ତି। ତେବେ କାରଣ ଏବେ ବି ଅସ୍ପଷ୍ଟ ହୋଇଥିଲେ ହେଁ ଅଗ୍ନିକାଣ୍ଡରେ ବ୍ୟାପକ କ୍ଷୟ କ୍ଷତି ହୋଇଥିବା ଆକଳନ କରାଯାଉଛି।

 ସୂଚନା ଅନୁସାରେ, ଆଜି ସକାଳେ କଟକ ଚୌଧୁରୀ ବଜାର ସ୍ଥିତ ଏକ ବିଲ୍ଡିଂର ଗ୍ରାଉଣ୍ଡ ଫ୍ଲୋରରେ ଥିବା ଲୁଗା ଦୋକାନରେ ନିଆଁ ଲାଗିଯାଇଥିଲା । କେହି କିଛି ଜାଣିବା ପୂର୍ବରୁ ଦୋକାନ ସାରା ନିଆଁ ବ୍ୟାପିଯାଇଥିଲା । ପରେ ନିଆଁ ପ୍ରଥମ, ଦ୍ୱିତୀୟ ଓ ତୃତୀୟ ମହଲାକୁ ବ୍ୟାପି ଯାଇଥିଲା । ନିଆଁ ବ୍ୟାପିବା ପୂର୍ବରୁ ଉପରେ ରହୁଥିବା ଲୋକଙ୍କୁ ଉଦ୍ଧାର କରାଯାଇଥିଲା । ଅନ୍ୟ ବିଲ୍ଡିଂକୁ ଯେପରି ନିଆଁ ନ ବ୍ୟାପିବ ସେନେଇ ଅଗ୍ନିଶମ ବାହିନୀ ଉଦ୍ୟମ ଜାରି ରଖିଥିଲା । ପରିଶେଷରେ ୪ଘଣ୍ଟାର କଠିନ ପରିଶ୍ରମ ପରେ ନିଆଁକୁ ଆୟତ୍ତ କରିଛି ଅଗ୍ନିଶମ ବାହିନୀ । ନିଆଁରେ ଲାଗି ଦୋକାନରେ ଥିବା ଜିନିଷ ପତ୍ର ସବୁ ଜଳିପୋଡ଼ି ପାଉଶ ହୋଇଯାଇଥିବା ଜଣାପଡ଼ିଛି ।