ଜାଆଁଳା ସନ୍ତାନଙ୍କ ଫେସ୍ ସେୟାର କଲେ ନୟନତାରା

ଓଡ଼ିଶା 365 (ବ୍ୟୁରୋ) : ଚର୍ଚ୍ଚାରେ ‘ଜୱାନ’ ଅଭିନେତ୍ରୀ ନୟନତାରାଙ୍କ ଜୁଡୁଆ ପୁଅ । ନିକଟରେ ନୟନତାରା ଓ ତାଙ୍କ ସ୍ୱାମୀ ବିଘ୍ନେଶଙ୍କ ଯମଜ ସନ୍ତାନଙ୍କୁ ଏଭିତରେ ଏକ ବର୍ଷ ପୁରିଛି । ଯାହାକୁ ନେଇ ନୟନତାରଙ୍କ ପରିବାରରେ ଖୁସି କହିଲେ ନସରେ । ଏହି ଖୁସି ମୂହୁର୍ତ୍ତରେ ନୟନତାରା ଦୁଇ ପିଲାଙ୍କ ଫେସ ସୋସିଆଲ ମିଡିଆରେ ସେୟାର କରିଛନ୍ତି ।ଦୁଇ ପିଲାଙ୍କ ଜନ୍ମଦିନ ଅବସରରେ ବିଘ୍ନେଶ ନିଜ ସୋସିଆଲ ମିଡିଆ ହେଣ୍ଡେଲରେ ପରିବାରର କିଛି ଖୁସିର ମୁହୂର୍ତ୍ତର ଫଟୋ ମଧ୍ୟ ପୋଷ୍ଟ କରିଥିଲେ । ଏଥିରେ ଯାଆଁଳା ପିଲା ଦୁଇଟି ମଷ୍ଟାଡ୍ କଲରର ମେଚିଙ୍ଗ ଡ୍ରେସ୍ ପିନ୍ଧିଥିବାର ଦେଖିବାକୁ ମିଳିଛି । ସେହିପରି ବାପା ମାଆ ବି ଗ୍ରୀନ କଲର ଡ୍ରେସରେ ଟ୍ୱିନ୍ କରିବା ସହ ପିଲା ମାନଙ୍କୁ କାନ୍ଧରେ ବସେଇଛନ୍ତି । ଏହି ଫଟୋ ଗୁଡ଼ିକ ପୋଷ୍ଟ କରିବା ସହ ନୟନତାରା ଓ ବିଘ୍ନେଶ ଏକ ସୁନ୍ଦର ନୋଟ୍ ମଧ୍ୟ ସେୟାର କରିଛନ୍ତି ।ନୋଟରେ ଦୁଇ ପୁଅଙ୍କୁ ଜନ୍ମ ଦିନର ଅଭିନନ୍ଦନ ଜଣାଇବା ସହ ସେମାନଙ୍କୁ ଢେର ସାରା ଭଲ ପାଇବା ଓ ଆଶୀର୍ବାଦ ଦେଇଛନ୍ତି ।

ଏହା ସହ ଦୁଇ ପିଲାଙ୍କ ପାଇଁ ସମସ୍ତ ସଫଳତା ଓ ଦୀର୍ଘ ଜୀବନ କାମନା କରିଛନ୍ତି ।ସେମାନେ ତାଙ୍କ ଜୀବନକୁ ଆସିବା ଦିନଠୁ ପ୍ରତ୍ୟେକ ଦିନ ଏକ ଉତ୍ସବ ପରି ଅନୁଭବ ହେଉଥିବା ପ୍ରକାଶ କରିଛନ୍ତି ଏହି ସେଲିବ୍ରିଟି କପୁଲ । ସେପଟେ ଫ୍ୟାନ୍ସମାନେ ମଧ୍ୟ ନୟନତାରାଙ୍କ ଜୁଡୁଆ ପୁଅ ମାନଙ୍କୁ ଦେଖି ଖୁସି ହେବାସହ ତାଙ୍କ ଜନ୍ମ ଦିନରେ ଢ଼େର୍ ସାରା ଶୁଭେଚ୍ଛା ଜଣାଇଛନ୍ତି ।