କଟକ ଚୌଧୁରୀ ବଜାରରେ ଜଳିଗଲା ୫ ମହଲା ବିଶିଷ୍ଟ ଲୁଗା ଦୋକାନ

ଓଡ଼ିଶା 365 (ବ୍ୟୁରୋ): କଟକ ଚୌଧୁରୀ ବଜାରରେ ଜଳିଗଲା ୫ ମହଲା ବିଶିଷ୍ଟ ଲୁଗା ଦୋକାନ । ଚୌଧୁରୀବଜାର ଗୌରଶଙ୍କର ପାର୍କ ନିକଟ ବିଲ୍ଡିଂରେ ନିଆଁ ଲାଗି ୫ ମହଲା ବିଶିଷ୍ଟ ଲୁଗା ଦୋକାନ ସମ୍ପର୍ଣ୍ଣ ଜଳିଯାଇଛି। ଏଥିରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି।

ପ୍ରଥମେ ତଳ ମହଲାରେ ନିଆଁ ଲାଗିବା ପରେ ଉପର ମହଲାକୁ ବ୍ୟାପିଥିଲା। ପରେ ପରେ ସଙ୍ଗେ ସଙ୍ଗେ ଅନ୍ୟ ମହଲାକୁ ମଧ୍ୟ ବ୍ୟାପୀଯାଇଛି। ଦମକଳ ବାହିନୀକୁ ଜଣାଇବହା ପରେ ସଙ୍ଗେସଙ୍ଗେ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା ପାଇଁ ଚେଷ୍ଟା ଜାରି ରଖିଛି । ପ୍ରବଳ ଧୂଆଁ ବାହାରୁଥିବାରୁ ଭିତରକୁ ଯାଇପରୁନାହାଁନ୍ତି ଅଗ୍ନିଶମ କର୍ମଚାରୀ। ତେବେ କିପରି ଜଳିଗଲା ଦୋକାନ କାରଣ ଅସ୍ପଷ୍ଟ ରହିଛି। ସର୍ଟ ସର୍କିଟରୁ ଦୋକାନରେ ନିଆଁ ଲାଗିଥିବା ଅନୁମାନ କରାଯାଉଛି।