ଏସୀୟ କ୍ରୀଡ଼ାରେ ଭାରତକୁ ଡବଲ ସ୍ୱର୍ଣ୍ଣ,ପଦକ ସଂଖ୍ୟା ୩୦ ଛୁଇଁଲା

ଓଡ଼ିଶା 365 (ବ୍ୟୁରୋ) : ଏସିଆନ୍ ଗେମ୍ସରେ ଭାରତର ଦମଦାର ପ୍ରଦର୍ଶନ। ମିଳିଛି ଅଷ୍ଟମ ସ୍ୱର୍ଣ୍ଣ । ଶୁଭ ଶୁକ୍ରବାରରେ ମିଳିଛି ଡବଲ ସ୍ୱର୍ଣ୍ଣ। ମହିଳା ୧୦ ମିଟର ଏୟାର ପିସ୍ତଲ ଇଭେଣ୍ଟରେ ଡବଲ ଧମାକା । ସୁଂଟିରେ ପଲକ୍‌ଙ୍କୁ ସ୍ୱର୍ଣ୍ଣ ପଦକ ମିଳିଥିବାବେଳେ ଈଶ ସିଂ ଜିତିଛନ୍ତି ରୌପ୍ୟ ପଦକ ପାକିସ୍ତାନ ଖାତାକୁ ଯାଇଛି କାଂସ୍ୟ । ସେହିଭଳି ୫୦ ମିଟର ରାଇଫଲରେ ଭାରତକୁ ଏକ ସ୍ୱର୍ଣ୍ଣ ପଦକ ମିଳିଛି । ଐଶ୍ୱର୍ଯ୍ୟ ପ୍ରତାପ ସିଂ ତୋମାର, କୁସଲେ ସ୍ୱପ୍ନିଲ୍ ଓ ଅଖିଲ ଶେଓରନଙ୍କ ଟିମ୍ ସ୍ୱର୍ଣ୍ଣ ଜିତିଛି ।

ସୁଟିଂରେ ଐତିହାସିକ ପ୍ରଦର୍ଶନ ସହ ଭାରତ ନୂଆ ରେକର୍ଡ ସ୍ଥାପନ କରିଛି । ଗୋଟିଏ ଦିନରେ ଭାରତ ସୁଟିଂରେ ୨ଟି ସ୍ୱର୍ଣ୍ଣ ସହ ୨ଟି ରୌପ୍ୟ ଜିତିଛି । ହାଙ୍ଗଝୌରେ ଏସୀୟ କ୍ରୀଡ଼ାରେ ଏହାକୁ ମିଶାଇ ଭାରତର ପଦକ ସଂଖ୍ୟା ୩୦ରେ ପହଞ୍ଚିଛି । ସେଥିରେ ୮ ସ୍ୱର୍ଣ୍ଣ, ୧୧ ରୌପ୍ୟ, ୧୧ ବ୍ରୋଞ୍ଜ ପଦକ ରହିଛି। ୩୦ ପଦକ ସହ ତାଲିକାର ଚତୁର୍ଥ ସ୍ଥାନରେ ରହିଛି ଭାରତ।