ଓଡ଼ିଶା 365 (ବ୍ୟୁରୋ): ମୟୂରଭଞ୍ଜ ବାଙ୍ଗିରିପୋଷି ଦୁଆରଶୁଣି ଘାଟିରେ ପୁଣି ବଡ଼ ଦୁର୍ଘଟଣ। ବିଶୋଇରୁ ବାଇକ ଯୋଗେ ବାରିପଦା ଅଭିମୁଖେ ଯାଉଥିବା ସମୟରେ ଭାରସାମ୍ୟ ହରାଇ ବାଇକକୁ ଧକା ଦେଲା ଟ୍ରକ୍। ଫଳରେ ଘଟଣା ସ୍ଥଳରେ ସ୍ୱାମୀ-ସ୍ତ୍ରୀଙ୍କର ଜୀବନ ଯାଇଛି। ମୃତ ସ୍ୱାମୀ-ସ୍ତ୍ରୀ ହେଲେ ବିଶୋଇ ଥାନା ଅଞ୍ଚଳର ରବିନାରାୟଣ ଦାସ ଓ ତାଙ୍କ ପତ୍ନୀ ରେବତୀ ଦାସଙ୍କର ବୋଲି ଜଣାପଡ଼ିଛି । ବାଙ୍ଗିରିପୋଷି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାଯୋଗ୍ୟ, ବାଙ୍ଗିରିପୋଷି ଦ୍ଵାରସୁଣି ଘାଟିରେ ବାରମ୍ଵାର ଦୁର୍ଘଟଣା ଘଟୁଥିବା ବେଳେ ରାଜ୍ୟ ସରକାରଙ୍କ ତରଫରୁ ଏହାର ବିକଳ୍ପ ଚିନ୍ତା କରି ଅନ୍ୟ ଏକ ସଡକ ପଥର ପ୍ରସ୍ତାବ ଗ୍ରହଣ କରାଯାଇଛି। ତେବେ ତୁରନ୍ତ ଏହାର କାର୍ଯ୍ୟ ସମସ୍ତ ହୋଇ କାର୍ଯ୍ୟକ୍ଷମ ହେଲେ ଦୁର୍ଘଟଣାକୁ ବହୁ ମାତ୍ରାରେ ଅଟକାଯାଇ ପାରନ୍ତା।
