ଆଜି ଅନନ୍ତ ଚତୁର୍ଦ୍ଦଶୀ:ଲାଭବାନ ହେବେ ଏହି ରାଶିର ବ୍ୟକ୍ତି

ଓଡ଼ିଶା365(ବ୍ୟୁରୋ): ପଞ୍ଚାଙ୍ଗ ଅନୁସାରେ ଭାଦ୍ରବ ମାସ କୃଷ୍ଣପକ୍ଷ ଚତୁର୍ଦ୍ଦଶୀ ତିଥିରେ ଅନନ୍ତ ଚତୁର୍ଦଶୀ ବା ଅନନ୍ତ ବ୍ରତ ପାଳନ କରାଯାଇଥାଏ । ଆଜି ଓଡ଼ିଶାରେ ଅନନ୍ତ ଚତୁର୍ଦଶୀ ପାଳିତ ହେଉଛି । ଆଜିର ଦିନରେ ଭଗବାନ ବିଷ୍ଣୁ ଓ ମାତା ଲକ୍ଷ୍ମୀଙ୍କୁ ପୂଜାର୍ଚ୍ଚନା କରାଯାଇଥାଏ। ଗରୁଡ଼ ପୁରାଣ ଅନୁସାରେ ଏହିଦିନ ଉପବାସ ରହି ବ୍ରତ ବାନ୍ଧିବା ଦ୍ୱାରା ଦୁଃଖ ଓ ସଙ୍କଟରୁ ମୁକ୍ତି ମିଳିଥାଏ। ତେବେ ଚଳିତ ବର୍ଷ ଅନନ୍ତ ଚତୁର୍ଦ୍ଦଶୀରେ ଘଟୁଛି ବିଶେଷ ସଂଯୋଗ । କାରଣ ଆଜି ରବିଯୋଗ , ବୃଦ୍ଧି ଯୋଗ ଓ ପୂର୍ବାଭାଦ୍ରପଦ ନକ୍ଷତ୍ରର ସଂଯୋଗ ହେବକୁ ଯାଉଛି । ଜ୍ୟୋତିଷ ଶାସ୍ତ୍ର ଅନୁସାରେ ଚଳିତ ଥର ଅନନ୍ତ ଚତୁର୍ଦଶୀ ରେ ବିଶେଷ ସଂଯୋଗ କାରଣରୁ କିଛି ରାଶିରେ ଭଲ ପ୍ରଭାବ ରହିବ।

କୁମ୍ଭ ରାଶି:
କୁମ୍ଭ ରାଶିର ବ୍ୟକ୍ତିଙ୍କ ପାଇଁ ଆଜିର ଦିନ ବହୁତ ଶୁଭ ଅଟେ। ଆଜିର ଦିନରେ ଏହି ରାଶିର ବ୍ୟକ୍ତି ଶତ୍ରୁ ଉପରେ ବିଜୟ ହାସଲ କରିବେ । ଜୀବନ ସାଥିଙ୍କ ପୂର୍ଣ୍ଣ ସହଯୋଗ ପାଇବେ । କାର୍ଯ୍ୟ କ୍ଷେତ୍ରରେ ସ୍ଥିତି ଭଲ ରହିବ।

ମେଷ ରାଶି :
ଅନନ୍ତ ଚତୁର୍ଦଶୀରେ ମେଷ ରାଶିର ବ୍ୟକ୍ତିଙ୍କ ପାଇଁ ବିଶେଷ ସଂଯୋଗ ଘଟୁଛି। ଏହି ରାଶିର ବ୍ୟକ୍ତି ସମସ୍ତ କାର୍ଯ୍ୟରେ ପୂର୍ଣ୍ଣମାତ୍ରାରେ ସହଯୋଗ ପାଇବେ। ଅଟକିଥିବା ସମସ୍ତ କାର୍ଯ୍ୟ ସଫଳ ହେବାର ସମ୍ଭାବନା ରହିଛି । ଆପଣଙ୍କର ଆର୍ଥିକ ଲାଭ ହୋଇପାରେ ଏବଂ ଆପଣଙ୍କର ରାଜକୀୟ କାର୍ଯ୍ୟ ଆଡକୁ ଧ୍ୟାନ ବଢିବ।

ମିଥୁନ ରାଶି :
ମିଥୁନ ରାଶିର ବ୍ୟକ୍ତିଙ୍କ ଭାଗ୍ୟରେ ଆଜିର ଦିନରେ ଧନ ଲାଭର ନୂତନ ମାର୍ଗ ଖୋଲିବ । ମନ ଉତ୍ସାହିତ ରହିବ ଏବଂ ନୂଆ ବନ୍ଧୁ ସୃଷ୍ଟି ହେବେ ଏବଂ ବ୍ୟବସାୟ ପାଇଁ ଭଲ ସମୟ ଅଟେ ।

ତୁଳା ରାଶି :
ତୁଳା ରାଶିର ବ୍ୟକ୍ତି ବିଷ୍ଣୁଙ୍କ କୃପାରୁ ମାନସିକ ଉତ୍ତେଜନାରୁ ମୁକ୍ତି ପାଇବେ।ପଇସା କାହାକୁ ଉଧାର ଦେବା ଠିକ ନୁହେଁ । ବ୍ୟବସାୟ ରେ ଉନ୍ନତି ହେବ ଏବଂ ସ୍ୱାସ୍ଥ୍ୟ ଭଲ ରହିବ।