ଓଡ଼ିଶା 365 (ବ୍ୟୁରୋ): ଦର୍ଶକଙ୍କ ଅପେକ୍ଷାର ଅନ୍ତ ଘଟିଲା । ବଲିଉଡକୁ ପୁଣି ଫେରିଲା ଟାଇଗର । ଦମ୍ଦାର ଲୁକ୍ ଓ ଆକ୍ସନ ସହ ରିଲିଜ୍ ହେଲା ‘ଟାଇଗର-୩’ ଟ୍ରେଲର । ଦୀର୍ଘ ୬ ବର୍ଷ ପରେ ପୁଣି ଥରେ ମିଶନରେ ବାହାରିଛନ୍ତି ଟାଇଗର । ଆସନ୍ତା ଦୀପାବଳୀରେ ବକ୍ସ ଅଫିସକୁ ଆସିବ ଟାଇଗର-୩ । ପୁଣି ଥରେ ଜମିବ ଟାଇଗର ଏବଂ ଜୋୟାଙ୍କ ଯୋଡି । ଖବର ମୁତାବକ, ୨୦୧୨ରେ ୟଶରାଜ ଫିଲ୍ମ ପ୍ରଯୋଜନା ସଂସ୍ଥାର ପ୍ରଥମ ଥର ପାଇଁ ଆସିଥିଲା Ek The Tiger । ଯାହାକି ସେହି ବର୍ଷର ସବୁଠୁ ବଡ଼ ହିଟ୍ ଫିଲ୍ମ ଥିଲା । ଜଣେ ଗୁଇନ୍ଦା ଏଜେଣ୍ଟଙ୍କ ଦେଶ ପାଇଁ କର୍ତ୍ତବ୍ୟ ଏବଂ ଲଭ ଷ୍ଟୋରୀ ବିଷୟରେ ଫିଲ୍ମରେ ଚିତ୍ରଣ ହୋଇଥିଲା । ଯାହାକି ଦର୍ଶକଙ୍କୁ ଖୁବ୍ ପସନ୍ଦ ମଧ୍ୟ ଆସିଥିଲା । ସଲ୍ମାନ ଖାନ୍ ଏବଂ କ୍ୟାଟ୍ରିନା କେଫ୍ଙ୍କ ଯୋଡି ଧମାଲ ମଚାଇଥିଲା ।
ଏହାପରେ ୨୦୧୭ରେ ଟାଇଗର ସିରିଜ୍ ଆସିଲା ୨ୟ ପ୍ରାଞ୍ଚାଇଜ । ଟାଇଗର ଜିନ୍ଦା ହେ ନାମରେ ଆସିଲା ଫିଲ୍ମ । ଏଥିରେ ବି ସଲମାନ ଓ କ୍ୟାଟ୍ରିନାଙ୍କ ଯୋଡିକୁ ଦେଖିବାକୁ ମିଳିଥିଲା । ବକ୍ସ ଅଫିସରେ ବି କରିଥିଲା ଭଲ ବ୍ୟବସାୟ । ନିଜ ପୂର୍ବ ପ୍ରାଞ୍ଚାଇଜ୍ର ରେକର୍ଡ ଭାଙ୍ଗିଥିଲା ଏହି ଫିଲ୍ମ । ଜଣେ ଏଜେଣ୍ଟ ଚାକିରି ଛାଡିବା ପରେ କିପରି ଦେଶ ପାଇଁ ନିଜ ସେବା ଜାରି ରଖୁଛି ଏବଂ ଇରାଜରେ ଫସିଥିବା ଭାରତୀୟ ନର୍ସମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ । ଏଥିରେ ସଲମାନଙ୍କ ଡାଇଲଗ.. ଜବ୍ ତକ୍ ଟାଇଗର ମରା ନେହିଁ , ତବ୍ ତକ୍ ଟାଇଗର ହରା ନେହିଁଟ୍ଟ ବେଶ୍ ଭାଇରାଲ ହେଉଛି । ଫିଲ୍ମକୁ ଆଗାମୀ ଦୀପାବଳିରେ ରିଲିଜ୍ ହେବା ପାଇଁ ପ୍ରଯୋଜନା ସଂସ୍ଥା ସ୍ଥିର କରିଛି । ତେବେ ସଲମାନ ଓ କ୍ୟାଟ୍ରିନାଙ୍କ ବ୍ୟତୀତ ଏଥିରେ ଇମ୍ରାନ୍ ହାସ୍ମୀ, ଆଶତୋଷ ରାଣା, ରିଦ୍ଧି ଡୋଗ୍ରା, ରଣଭୀର ସୋରେଙ୍କ ଦେଖିବାକୁ ମିଳିବ ।
