ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡର ଖିଲାଡି କୁମାର । ଗତକାଲି ଫିଲ୍ମ ‘ମିଶନ୍ ରାଣିଗଞ୍ଜ’ର ଟ୍ରେଲର ରିଲିଜ୍ ହୋଇଛି । ଯାହା ଦର୍ଶକ ମାନଙ୍କ ମନ ଜିଣିବାରେ ଲାଗିଛି । କେବେ ସିନେମା ହଙ୍କଳର ମୁକ୍ତିଳାଭ କରିବ ଅପେକ୍ଷାରେ ରହିଛନ୍ତି ଦର୍ଶକ । ଅକ୍ଷୟ କୁମାର ବର୍ଷକୁ ୪ର ୁ୫ଟି ଫିଲ୍ମ ଦର୍ଶକ ମାନଙ୍କୁ ଭେଟି ଦିଅନ୍ତି । ହେଲେ ଚଳିତ ବର୍ଷ ଏହା ହେଉଛି ତାଙ୍କର ତୃତୀୟ ଫିଲ୍ମ । ସୂଚନା ଅନୁଯାୟୀ, ଅକ୍ଷୟ କୁମାରଙ୍କ ଫ୍ୟାନ୍ସଙ୍କ ପାଇଁ ଏକ ଖୁସିର ଖବର ଯେ ତାଙ୍କ ଫିଲ୍ମ ‘ମିଶନ୍ ରାନିଗଞ୍ଜ’ ଦି ଗ୍ରେଟ୍ ଭାରତ ରେସକ୍ୟୁର ଟ୍ରେଲର ରିଲିଜ ହୋଇଛି । ଏବଂ ଅକ୍ଟୋବର ୬ରେ ସିନେମା ହଲ୍ରେ ‘ମିଶନ୍ ରାନିଗଞ୍ଜ’ ରିଲିଜ ହେବାକୁ ଯାଉଛି । ଏହି ଟ୍ରେଲରରେ ଦେଖିବା ପାଇଁ ମିଳିଛି ଜସଓ୍ଵନ୍ତ ସିଂ ଗିଲ୍ କୋଇଲା ଖଣିରେ ଫସିଥିବା ଲୋକଙ୍କ ଜୀବନ ବଞ୍ଚାଇବା ପାଇଁ ଚେଷ୍ଟା କରିଛନ୍ତି । ଏହି ଫିଲ୍ମରେ ଅକ୍ଷୟ କୁମାରଙ୍କ ବ୍ୟତୀତ ପରିଣୀତି ଚୋପ୍ରାଙ୍କୁ ମଧ୍ୟ ଦେଖିବା ପାଇଁ ମିଳିଛି । ଏବେ ପୁଣି ସିନେମା ପରଦାରେ ଦୁଇ ଜଣଙ୍କ ଯୋଡି ଦେଖିବା ପାଇଁ ମିଳିବ । ଫିଲ୍ମଟି ଲଣ୍ଡନର ପୂଜା ଏଣ୍ଟଟେନମେଣ୍ଟରେ ସୁଟିଂ କରାଯାଇଛି । ଫିଲ୍ମଟିକୁ ଟିନୁ ସୁରେଶ ଦେଶାଇ ନିର୍ଦ୍ଦେଶନା ଦେଇଛନ୍ତି ।
ସେପଟେ, ପୁର୍ବରୁ ଅକ୍ଷୟ ମୋସନ ପୋଷ୍ଟର ସେୟାର କରି ଲେଖିଥିଲେ ଯେ ୧୯୮୯ରେ ଜଣେ ବ୍ୟକ୍ତି ଅସମ୍ଭବକୁ ସମ୍ଭବ କରି ଦେଖାଇଥିଲେ, ଯିଏ କି କାହାଣୀର ମୁଖ୍ୟ ଚରିତ୍ର । ଏହି କାହାଣୀର କଥା ବସ୍ତୁ ଜଣେ ସଚ୍ଚୋଟ ଭାରତୀୟଙ୍କ ଜୀବନୀ ଉପରେ ଆଧାରିତ । ଫିଲ୍ମଟି ଦର୍ଶକଙ୍କ ହୃଦୟକୁ ବେଶ୍ ଛୁଇଁବ ବୋଲି ଆଶାବାନ୍ଧି ବସିଛନ୍ତି ଟିମ୍ ।
