ଓଡ଼ିଶା 365 (ବ୍ୟୁରୋ): ସାଉଥରୁ ଆରମ୍ଭ କରି ବଲିଉଡ୍ ପର୍ଯ୍ୟନ୍ତ ସବୁଠୁ ନିଜର ଜଲୱା ଦେଖାଇ ଦର୍ଶକଙ୍କ ହୃଦୟରେ ରାଜ କରୁଛନ୍ତି ପୂଜା ହେଗଡେ । ଅନେକ ଚର୍ଚ୍ଚିତ ଅଭିନେତ୍ରୀ ମଧ୍ୟରୁ ପୂଜା ଜଣେ ଲୋକପ୍ରିୟ ଅଭିନେତ୍ରୀ । ସେ ପ୍ରଥମକରି ୨୦୧୪ରେ ବଲିଉଡ୍ ଅଭିନେତା ହ୍ରିତିକ ରୋଶନଙ୍କ ସହ ଫିଲ୍ମ ‘ମହେଞ୍ଜୋଦାରୋ’ ସହିତ ବଲିଉଡରେ ଡେବ୍ୟୁ କରିଥିଲେ। ଏହାସହ ସେ ଶେଷ ଥର ପାଇଁ ବଲିଉଡ ଭାଇଜାନଙ୍କ ସହ ଫିଲ୍ମ ‘କିସି କା ଭାଇ କିସି କି ଜାନ’ରେ ନଜର ଆସିଥିଲେ । ସେ ବସୁବେଳେ ରିଲ୍ ଲାଇଫ ଏବଂ ରିୟଲ ଳାଇଫକୁ ନେଇ ସବୁବେଳେ ଚର୍ଚ୍ଚାରେ ଥାଆନ୍ତି । ହେଲେ ଏବେ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଆସିଛନ୍ତି ପୂଜା । ଚର୍ଚ୍ଚା ହେଉଛି ଯେ, ଅଭିନେତ୍ରୀ ପୂଜା ଖୁବଶୀଘ୍ର ବିବାହ କରିବେ !
ସୂଚନା ମୁତାବକ, ‘ସିନେ ଜୋଶ’ରେ ପ୍ରକାଶିତ ଏକ ରିପୋର୍ଟରେ ଦର୍ଶାଯାଇଛି ଯେ ପୂଜା ହେଗଡେ ମୁମ୍ବାଇର ଜଣେ କ୍ରିକେଟରଙ୍କୁ ବିବାହ କରିବାକୁ ଯାଉଛନ୍ତି। ହେଲେ ଏ ବାବଦରେ କୌଣସି ଘୋଷଣା କରାଯାଇନାହିଁ। ତେବେ ଏହା ପ୍ରଥମ ଥର ନୁହେଁ ଯେ ପୂଜାଙ୍କ ନାମ ଜଣେ କ୍ରିକେଟରଙ୍କ ସହ ଯୋଡି ଯାଇଛି। ଏହାପୂର୍ବରୁ ପୂଜା ହେଗଡେ କର୍ଣ୍ଣାଟକର ଜଣେ କ୍ରିକେଟରଙ୍କ ସହ ପ୍ରେମ ସମ୍ପର୍କ ରଖିଥିଲେ ବୋଲି ଅନେକ ଚର୍ଚ୍ଚା ହେଉଥିଲା । ତେବେ ପୂଜା ଏହି ସବୁ ଚର୍ଚ୍ଚାକୁ କେବଳ ଏକ ଗୁଜବ ବୋଲି କହିଥିଲେ। ହେଲେ ପୂଜା କାହାକୁ ବିବାହ କରିବେ ଏବଂ କେବେ ତାହା ଏପର୍ଯ୍ୟନ୍ତ ସ୍ଥିର ହୋଇନାହିଁ ।
