ଓଡ଼ିଶା 365 (ବ୍ୟୁରୋ) : ରାଜକୋଟରେ ଆଜି ଭାରତ-ଅଷ୍ଟ୍ରେଲିଆ ମଧ୍ୟରେ ଖେଳାଯିବ ୩ୟ ଦିନିକିଆ। ମୁହାଁମୁହିଁ ହେବେ ଉଭୟ ଦଳ । ୧.୩୦ ରେ ଆରମ୍ଭ ହେବ ମ୍ୟାଚ୍ । ପୂର୍ବରୁ ୩ଟିକିଆ ସିରିଜ୍ରେ ରାହୁଲଙ୍କ ଅଧିନାକତ୍ୱରେ ପ୍ରଥମ ୨ଟି ମ୍ୟାଚ୍ ଜିତି ସିରିଜ୍ କବ୍ଜା କରିସାରିଛି ଭାରତ। ଆଉ ଏବେ ଅଷ୍ଟ୍ରେଲିଆ ପାଇଁ ସମ୍ମାନର ଲଢେଇ । ଲଗାତର ଭାବେ ଦକ୍ଷିଣ ଆଫ୍ରିକା ଏବଂ ଭାରତ ଠାରୁ ସିରିଜ୍ ହାରିସାରିଛି କଙ୍ଗାରୁ ଟିମ୍ । ତୃତୀୟ ଦିନିକିଆ ପାଇଁ ଭାରତର ଯୁବ ଖେଳାଳି ଶୁବମନ ଗିଲ୍ ଓ ଶାର୍ଦ୍ଦୁଳ ଠାକୁରଙ୍କୁ ବିଶ୍ରାମ ଦିଆଯାଇଛି ।
ତୃତୀୟ ଦିନିକିଆରେ ଅଧିନାୟକ ରୋହିତ ଶର୍ମା ଓ ବିରାଟ କୋହଲି, କୁଲଦୀପ ଯାଦବ ଦଳକୁ ଫେରୁଛନ୍ତି। ପ୍ରଥମ ଦୁଇଟି ଦିନିକିଆରୁ ଏମାନଙ୍କୁ ବିଶ୍ରାମ ଦିଆଯାଇଥିଲା । ଆଜିର ମ୍ୟାଚ ଜିତି ଭାରତ ସିରିଜ କ୍ଲିନ ସୁଇପ କରିବାକୁ ଲକ୍ଷ୍ୟ ରେ ଥିବାବେଳେ ସେପଟେ ସମ୍ମାନ ବଞ୍ଚାଇବା ଲକ୍ଷ୍ୟରେ ମଇଦାନକୁ ଓହ୍ଲାବ କଙ୍ଗାରୁ ବାହିନୀ। ବିଶ୍ୱକପ୍ ମହାମୁକାବିଲା ପୂର୍ବରୁ ଶେଷ ପ୍ରସ୍ତୁତି କରିଛି ରୋହିତବାହିନୀ ।
