ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ କ୍ୟୁଇନ୍ ପରିଣୀତି ଚୋପ୍ରା ଓ ଆପ୍ ସାଂସଦ ରାଘବ ଚଢ଼ାଙ୍କ ଯୋଡି । ରବିବାର ଦିନ ବିବାହ ବନ୍ଧନରେ ବାନ୍ଧି ହୋଇଛନ୍ତି ରାଘବ-ପରୀ । ଏହି ଯୋଡିଙ୍କ ବିବାହ ଫଟୋ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଦୁହେଁ ଉଦୟପୁରରେ ପଞ୍ଜାବୀ ରୀତିନୀତରେ ବିବାହ କରିଥିଲେ। ବଲିଉଡ ଏବଂ ରାଜନୀତିର ବହୁ ହାଇ-ପ୍ରୋଫାଇଲ୍ ବ୍ୟକ୍ତିତ୍ୱ ଏହି ବିବାହ ଉତ୍ସବରେ ଯୋଗ ଦେଇଥିଲେ। ବିବାହ ସମୟରେ ଉଭୟ କ୍ରିମ୍ ରଙ୍ଗର ପୋଷାକରେ ନଜର ଆସିଛନ୍ତି । ମନୀଷ ମଲହୋତ୍ରାଙ୍କ ବେଜ ରଙ୍ଗର ଲେହେଙ୍ଗାରେ ପରୀ ଚମତ୍କାର ଦେଖାଯାଉଥିବାବେଳେ, ତାଙ୍କ ପୋଷାକ ସହିତ ମେଳ ଖାଉଥିବା ସମାନ ସୁନ୍ଦର ଅଳଙ୍କାର ମଧ୍ୟ ପିନ୍ଧିଥିଲେ। ସେହିପରି ବର ରାଘବ ଚଢା ଏକ ସୂକ୍ଷ୍ମ, ଚମତ୍କାର ପିଙ୍କ ରଙ୍ଗର ପୋଷାକରେ ଖୁବ୍ ସୁନ୍ଦର ଦିଶୁଥିଲେ। ଯାହାର ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଛି ।
ବିବାହ ପରେ ବର୍ତ୍ତମାନ ଦର୍ଶକଙ୍କ ଆଖି କେବଳ ରିସେପଶନ ଉପରେ ରହିଛି । ରିସେପଶନକୁ ନେଇ ସୋସିଆଲ ମିଡିଆରେ ଅନେକ ଚର୍ଚ୍ଚା ମଧ୍ୟ ହେଉଛି । ହେଲେ ଏହି ଚର୍ଚ୍ଚାରେ ପୂର୍ଣ୍ଣଛେଦ ପକାଇଛନ୍ତି ପରୀ-ରାଘବ । ଖବର ମୁତାବକ,ଏହି ଦମ୍ପତି ତିନୋଟି ରିସେପ୍ସନ ଆୟୋଜନ କରିବାକୁ ଯାଉଛନ୍ତି। ଏହି ରିସେପ୍ସନ ପାର୍ଟି ମଧ୍ୟରୁ ଗୋଟିଏ ଚଣ୍ଡିଗଡ଼ରେ ଅନୁଷ୍ଠିତ ହେବ। ଏହାକୁ ନେଇ ଏକ କାର୍ଡ ସୋସିଆଲ ମିଡିଆରେ ଭାଇରାଲ ହେଉଛି।ସେପ୍ଟେମ୍ବର ୩୦ରେ ଚଣ୍ଡିଗଡ଼ରେ ପାରିଣୀତି ଏବଂ ରାଘବ ଚଢାଙ୍କ ରିସେପ୍ସନ ହେବ ।
ଏଥିରେ ଦିଆଯାଇଥିବା ସୂଚନା ଅନୁଯାୟୀ, ୩୦ସେପ୍ଟେମ୍ବରରେ ଚଣ୍ଡିଗଡ଼ ତାଜରେ ଏକ ରିସେପ୍ସନ ପାର୍ଟି ଅନୁଷ୍ଠିତ ହେବାକୁ ଯାଉଛି। ଖବର ମୁତାବକ ଏହି ଦମ୍ପତି ଦୁଇଟି ରିସେପ୍ସନ ପାର୍ଟି ଦେବେ, ସେଥିମଧ୍ୟରୁ ଗୋଟିଏ ଦିଲ୍ଲୀରେ ଅନୁଷ୍ଠିତ ହେବ, ଯେଉଁଥିରେ ରାଜପୈତିକ ପରିବାରର ସେଲିବ୍ରିଟିମାନେ ଯୋଗଦେବେ। ଯେତେବେଳେ କି, ପାରିଣିତିଙ୍କ ଇଣ୍ଡଷ୍ଟ୍ରି ସାଙ୍ଗମାନଙ୍କ ପାଇଁ ମୁମ୍ବାଇରେ ଦ୍ୱିତୀୟ ପାର୍ଟିର ଆୟୋଜନ କରାଯିବ। ହେଲେ ଏପର୍ଯ୍ୟନ୍ତ ପରିଣୀତିଙ୍କ ରିସେପ୍ସନ ପାର୍ଟି ସମ୍ବନ୍ଧରେ କୌଣସି ସୂଚନା ମିଳିପାରିନାହିଁ ।
