ଓଡ଼ିଶା 365 (ବ୍ୟୁରୋ): ପରଲୋକରେ ସ୍କଟିସ୍ ଅଭିନେତା ଏବଂ ସଙ୍ଗୀତକାର ଡେଭିଡ୍ ମ୍ୟାକକୁଲମ୍ ।୯୦ ବର୍ଷ ବୟସରେ ଦୁନିଆକୁ ଅଲବିଦା କହିଲେ ଡେଭିଡ୍ ମ୍ୟାକକୁଲମ୍ । ଗତକାଲି ଅର୍ଥାତ୍ ୨୫ ସେପ୍ଟେମ୍ବରରେ ତାଙ୍କର ଦେହାନ୍ତ ହୋଇଛି ।
ସେପଟେ ତାଙ୍କ ପ୍ରଶଂସଙ୍କ ମାନେ ଡେଭିଡଙ୍କ ଦେହାନ୍ତ ଖବରକୁ ବିଶ୍ୱାସ କରିପାରୁ ନାହାଁନ୍ତି । ସମସ୍ତେ ତାଭ୍କ ପାଇଁ ସୋସିଆଲ ମିଡିଆରେ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି । ଏଥି ସହିତ ତାଙ୍କ ପରିବାର ସଦସ୍ୟଙ୍କ ଉପରେ ମଧ୍ୟ ଦୁଃଖର ପାହାଡ ଖସି ପଡିଛି। ତାଙ୍କ ପୁଅ ପିଟର ମ୍ୟାକକୁଲମ୍ ତାଙ୍କ ପିତାଙ୍କ ଦେହାନ୍ତ ବିଷୟରେ ଜଣାଇ କହିଥିଲେ ଯେ ସେ ଜଣେ ସଚ୍ଚୋଟ ବ୍ୟକ୍ତି ଥିଲେ।
ଏହା ବ୍ୟତୀତ ସେ ଜଣେ ଉତ୍ତମ ପିତା ମଧ୍ୟ ଥିଲେ। ଅଭିନେତା ତାଙ୍କ ଚଳଚ୍ଚିତ୍ର କ୍ୟାରିୟରରେ ଅନେକ ଉଜ୍ଜ୍ୱଳ ଚରିତ୍ରରେ ଅଭିନୟ କରିଛନ୍ତି। ଯାହାକି ସମସ୍ତଙ୍କ ହୃଦୟରେ ଏବେ ବି ସ୍ଥାନ ସୃଷ୍ଟି କରି ରଖିଛି । ସେ ୧୯୫୦ ମସିହାରେ ନିଜ କ୍ୟାରିଅର୍ ଆରମ୍ଭ କରିଥିଲେ । ତାଙ୍କର ପ୍ରଥମ ଦିନରେ, ମ୍ୟାକକୁଲମ୍ ବ୍ରିଟିଶ୍ ଟେଲିଭିଜନ୍ ଶୋ ଏବଂ ଚଳଚ୍ଚିତ୍ରରେ କାମ କରିଥିଲେ । ୧୯୬୪ ଚଳଚ୍ଚିତ୍ର ମ୍ୟାନ୍ ଅଫ୍ U.N.C.L.E ମ୍ୟାକକୁଲମ୍ ତାଙ୍କର ନିଜର ପରିଚୟ ପାଇଥିଲେ।
