ଓଡ଼ିଶା 365 (ବ୍ୟୁରୋ): ବିଧାନସବା ମୌସୁମୀ ଅଧିବେଶନର ତୃତୀୟ ଦିନ । ପ୍ରଶ୍ନକାଳ ଆରମ୍ଭରୁ ହିଁ ହୋହଲ୍ଲା ଓ ହଙ୍ଗାମା କରିଦେଇଛନ୍ତି ବିରୋଧୀ । ବାଚସ୍ପତିଙ୍କ ପୋଡ଼ିୟମ ସମ୍ମୁଖକୁ ଆସି ନାରାବାଜି ସହ ହଟ୍ଟଗହୋଳ କରିଛନ୍ତି । ଫଳରେ ବାଚସ୍ପତି ଗୃହକୁ ୧୨ ଟା ଯାଏଁ ମୁଲତବୀ କରିଥିଲେ । ଏହାସହ ବାରମ୍ୱାର ହଟ୍ଟଗୋଳ ଯୋଗୁଁ ଗୃହ କାର୍ଯ୍ୟ ଆଗେଇନପାରିବାରୁ ସର୍ବଦଳୀୟ ବୈଠକ ଡାକିଛନ୍ତି ବାଚସ୍ପତି ।
ସୂଚନା ଥାଉକି, ଗତ ସେପ୍ଟେମ୍ୱର ୨୨ ତାରିଖରୁ ଆରମ୍ଭ ହୋଇଥିଲା ବିଧାନସଭା ମୌସୁମୀ ଅଧିବେଶନ । ତେବେ ଅଧିବେଶନ ଆରମ୍ଭରୁ ଗୃହରେ ଦେଖିବାକୁ ଅସ୍ୱାଭାବିକ ପରିସ୍ଥିତି । ଠିକ୍ ଭାବେ ଚାଲିପାରିନଥିଲା ଗୃହକାର୍ଯ୍ୟ । ଗତ ୩ ଦିନ ଧରି ବାରମ୍ୱାର ମୁଲତବୀ ହେବାରେ ଲାଗିଛି ଗୃହ । ତେବେ ଆଜି ଗୃହ ଠିକ୍ ଭାବେ ପରିଚାଳନା କରିବାକୁ ବାଚସ୍ପତି ଡାକିଛନ୍ତି ସର୍ବଦଳୀୟ ବୈଠକ ।
