ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ ଭାଇଜାନ୍ ସଲମାନ୍ ଖାନ୍ ଏବଂ ତାଙ୍କ ଶୋ’ ‘ବିଗବସ୍ ୧୭’ । ପ୍ରତିବର୍ଷ ପରି ଏଥର ବି ଖୁବଶୀଘ୍ର ଆସିବାକୁ ଯାଉଛି ବିଗସ୍ର ନୂଆ ସିଜିନ୍ ‘ବିଗବସ୍ ୧୭’ । ଯାହାକୁ ପ୍ରଶଂସକମାନେ ବେଶ୍ ଉତ୍ସାହର ସହିତ ଅପେକ୍ଷା କରିଛନ୍ତି ।ହେଲେ ଖୁବଶୀଘ୍ର ଦର୍ଶକମାନଙ୍କ ଅପେକ୍ଷାର ଅନ୍ତ ହେବାକୁ ଯାଉଛି । ପ୍ରଶଂସକଙ୍କ ଉତ୍ସାହକୁ ଦ୍ୱିଗୁଣିତ କରିବା ପାଇଁ କଲର୍ସ ଟିଭି ଶୋ’ର ଏକ ନୂଆ ପ୍ରୋମୋ ରିଲିଜ କରିଛି। ଏହି ପ୍ରୋମୋରେ ଶୋ’ର ହୋଷ୍ଟ ସଲମାନ ଖାନ ଏହାର ପ୍ରିମିୟରର ତାରିଖ ନିଶ୍ଚିତ କରିଛନ୍ତି।
‘ବିଗ ବସ ୧୭’ ଅକ୍ଟୋବର ୧୫ରୁ କଲର୍ସରେ ଷ୍ଟ୍ରିମ ହେବାକୁ ଯାଉଛି। ବର୍ତ୍ତମାନ ପର୍ୟ୍ୟନ୍ତ ଶୋ’କୁ ଆସୁଥିବା କୌଣସି ସଦସ୍ୟଙ୍କ ବିଷୟରେ ସୂଚନା ପ୍ରକାଶ ପାଇନାହିଁ। ଏହି ଶୋ’ରେ ପ୍ରସିଦ୍ଧ ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେ ଏବଂ ବିକି ଜୈନ ଅଂଶଗ୍ରହଣ କରିବେ। ଏମାନଙ୍କ ବ୍ୟତୀତ ମୁନାୱାର ଫାରୁକ, ଶିଜାନ କାନ, ଅରମାନ ମଲିକ, ଇଶା ମାଲବ୍ୟ ଏବଂ ଶ୍ରୀ ଫୈଜୁଙ୍କ ଆଗମନଙ୍କୁ ଏଥିରେ ଦେଖିବାକୁ ମିଳିବ । ଅନ୍ୟପଟେ,କିଛିଦିନ ପୂର୍ବରୁ ଏହି ଶୋ’ର ପ୍ରୋମୋ ସୋସିଆଲ ମିଡିଆରେ ଭାଇରାଲ ହେଉଥିଲା ଯାହାକୁ ଦେଖି ପ୍ରଶଂସକମାନଙ୍କ ଦିଲ୍ ଖୁସ୍ ହୋଇଯାଇଥିଲା
