ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ କ୍ୟୁଇନ୍ ପରିଣୀତି ଚୋପ୍ରା ଓ ଆପ ସାଂସଦ ରାଘବ ଚଢ଼ାଙ୍କ ଯୋଡି । ବହୁଦିନ ଧରି ତାଙ୍କ ବିବାହକୁ ନେଇ ଚର୍ଚ୍ଚା ଲାଗିରହିଥିଲା । ଶେଷରେ ଦର୍ଶକ ମାନଙ୍କ ଅପେକ୍ଷାର ଅନ୍ତ ଘଟାଇ ଗତକାଲି ଅର୍ଥାତ୍ ରବିବାର ଦିନ ବିବାହ ବନ୍ଧନରେ ବାନ୍ଧି ହୋଇଛନ୍ତି ରାଘବ-ପରୀ । ସେପଟେ ବିବାହ ପରେ ପରୀ ଏବଂ ରାଘବଙ୍କ ପ୍ରଥମ ଫଟୋ ସାମ୍ନାକୁ ଆସିଛି ।ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଏହି ଫଟୋଟି ବିବାହ ପରର ଫଟୋ । ପରୀ ନବବିବାହିତା କନ୍ୟା ବେଶରେ ବେଶ୍ ସୁନ୍ଦର ଦେଖାଯାଉଛନ୍ତି , ସେ ହାତରେ ଚୁଡି ଏବଂ ଗୋଲାପୀ ରଙ୍ଗର ଶାଢୀ ପିନ୍ଧି ଥିବାବେଳେ ରାଘବ ମଧ୍ୟ ଏକ କଳା ସୁଟରେ ଡ୍ୟାସିଙ୍ଗ ନଜର ଆସୁଛନ୍ତି। ଏହି ଚିତ୍ର ୨୪ ସେପ୍ଟେମ୍ବର ସନ୍ଧ୍ୟାରେ ଆୟୋଜିତ ହୋଇଥିବା ରିସେପ୍ସନର ଅଟେ। ଯାହା ଇନଷ୍ଟାଗ୍ରାମରେ ପରିଣୀତି ଚୋପ୍ରା ଏବଂ ରାଘବଙ୍କ ଫ୍ୟାନ୍ ପେଜ୍ ଦ୍ୱାରା ସେୟାର କରାଯାଇଛି । ଏହି ଫଟୋ କ୍ୟାପସନରେ ଲେଖା ଯାଇଛି ଯେ, ଏହି ଫଟୋଟି ରିସେପ୍ସନରୁ ଆସିଛି । ବିବାହ ପରେ ଏହି କପଲଙ୍କ ପ୍ରଥମ ଝଲକ ପାଇବା ମାତ୍ରେ ଖୁବ୍ ଭାଇରାଲ ହୋଇଛି ।
ରବିବାର ଦିନ ଉଦୟପୁରର ଲୀଲା ପ୍ୟାଲେସରେ ଏହି ବିବାହ ହୋଇଥିଲା। ୨୨ ସେପ୍ଟେମ୍ବରରେ ସୁଫି ନାଇଟ୍ ସମାରୋହରୁ ବିବାହ ରୀତିନୀତି ଆରମ୍ଭ ହୋଇଥିଲା। ୨୩ ସେପ୍ଟେମ୍ବରରେ ହଲଦୀ ଏବଂ ମେହେନ୍ଦୀ କାର୍ଯ୍ୟକ୍ରର୍ମ ଆରମ୍ଭ ହୋଇଥିବାବେଳେ ଗତକାଲି ଅର୍ଥାତ୍ ରବିବାର ନିନ ଉଭୟ ସାତ କନ୍ମ ପାଇ ହାତ ଧରିଛନ୍ତି ।
