ଓଡ଼ିଶା365(ବ୍ୟୁରୋ): ୨ଟି ଆତଙ୍କବାଦୀ ସହଯୋଗୀ ସଙ୍ଗଠନ ଠାବ କରିବା ପରେ ଆଜି କୁଲ୍ଗାମ ପୁଲିସ ଜମ୍ମୁ ଓ କଶ୍ମୀରରେ ୫ଜଣ ‘ହାଇବ୍ରିଡ୍’ ଆତଙ୍କବାଦୀଙ୍କୁ ଗିରଫ କରିଛି । ସୂଚନାଯୋଗ୍ୟ, ‘ହାଇବ୍ରିଡ୍’ ଆତଙ୍କବାଦୀମାନେ ସ୍ବାଭାବିକ ସାମାଜିକ ଜୀବନଯାପନ କରନ୍ତି ଓ ଆବଶ୍ୟକ ବେଳେ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ରୁହନ୍ତି। ଗିରଫ ହୋଇଥିବା ଆତଙ୍କବାଦୀମାନେ ହେଉଛନ୍ତି ଆଦିଲ୍ ହୁସେନ୍ ୱାନି, ସୁହୈଲ୍ ଅହମଦ୍ ଦର୍, ଏତ୍ମାଦ୍ ଅହମଦ୍ ଲାୱେ, ମେହରାଜ ଅହମଦ୍ ଲୋନି ଓ ସବ୍ଜର୍ ଅହମଦ୍ ଖାର୍। ଆତଙ୍କବାଦୀ ସଂଗଠନ ‘ଲଶ୍କର୍-ଏ-ତୈବା’ ସହିତ ଏହି ଆତଙ୍କବାଦୀମାନେ ସମ୍ପୃକ୍ତ ଥିଲେ।
