ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ରଣବୀର କପୁର-ରଶ୍ମିକା ମନ୍ଦାନାଙ୍କ ଯୋଡି । ବର୍ତ୍ତମାନ ତାଙ୍କ ଆଗାମୀ ଚଳଚ୍ଚିତ୍ର ‘ଆନିମଲ’ ପାଇଁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ଏହାରି ମଧ୍ୟରେ ରଶ୍ମିକାଙ୍କ ଫାଷ୍ଟ୍ ଲୁ୍କ ସାମନାକୁ ଆସିଛି । ଯାହାକୁ ଦେଖି ଫ୍ୟାନ୍ସମାନେ ଦିୱାନା ହୋଇଯାଇଛନ୍ତି । ପ୍ରଥମ ଲୁକରେ ଦର୍ଶକଙ୍କ ମନ ଜିଣିସାରିଲେଣି ରଶ୍ମିକା । ସେପଟେ ଚଳଚ୍ଚିତ୍ର ନିର୍ମାତାମାନେ ଗୋଟିଏ ପରେ ଗୋଟିଏ ଷ୍ଟାର କାଷ୍ଟର ପ୍ରଥମ ଲୁକ୍ ପୋଷ୍ଟର ରିଲିଜ୍ କରୁଛନ୍ତି । ପ୍ରଥମେ ନିର୍ମାତା ଅନିଲ କପୁରଙ୍କ ଫାଷ୍ଟ ଲୁକ୍ ପୋଷ୍ଟର ସେୟାର କରିଥିଲେ। ବର୍ତ୍ତମାନ ଫିଲ୍ମର ମୁଖ୍ୟ ଅଭିନେତ୍ରୀ ରଶ୍ମିକାଙ୍କର ମଧ୍ୟ ଫାଷ୍ଟ ଲୁକ୍ ପୋଷ୍ଟର ସେୟାର କରାଯାଇଛି । ଯାହା ଫ୍ୟାନ୍ସ ମାନଙ୍କ ମନ କିଣିନେଇଛି । ପୋଷ୍ଟରରେ ରଶ୍ମିକାଙ୍କ ସିମ୍ପଲ ଲୁକ୍ ଦେଖିବାକୁ ମିଳୁଛି । ଯାହାକୁ ଦର୍ଶକ ମାନେ ବହୁତ ପସନ୍ଦ କରୁଛନ୍ତି ।
ଏଥିରେ ରଶ୍ମିକା ଶାଢୀ ଏବଂ ମଙ୍ଗଲସୁତ୍ର ପିନ୍ଧି ଆଖି ତଳକୁ କରି ଚାହିଁଛନ୍ତି । ତାଙ୍କ ମୁହଁରେ ହାଲକା ହସ ମଧ୍ୟ ଅଛି । ଏହି ପୋଷ୍ଟର ସେୟାର କରିବାବେଳେ ଅଭିନେତ୍ରୀ କ୍ୟାପସନରେ ଲେଖିଛନ୍ତିଯେ, ଆପଣଙ୍କ ଗୀତାଞ୍ଜଳି । ଏହାର ଅର୍ଥ ହେଉଛି ଫିଲ୍ମରେ ରଶ୍ମିକାଙ୍କ ଚରିତ୍ରର ନାମ ଗୀତାଞ୍ଜଳି ହେବାକୁ ଯାଉଛି। ରଶ୍ମିକା ରଣବୀର କପୁରଙ୍କ ସହ ‘ଆନିମଲ’ରେ ସ୍କ୍ରିନ୍ ସେୟାର କରୁଛନ୍ତି। ସୂଚନା ଅନୁଯାୟୀ, ସେପ୍ଟେମ୍ବର ୨୮ ସକାଳ ୧୦ଟାରେ ‘ଆନିମଲ’ର ଟିଜର ରିଲିଜ ହେବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି କବୀର ସିଂ ଫେମ୍ ସନ୍ଦୀପ ରେଡ୍ଡୀ ଭଙ୍ଗା। ଅନ୍ୟପଟେ ଫିଲ୍ମ ନିର୍ମାତାମାନେ ଷ୍ଡାମାନଙ୍କ ଗୋଟେ ପରେ ଗୋଟେ ଲୁକ ସେୟାର କରି ଫ୍ୟାନ୍ସମାନଙ୍କୁ ଫିଲ୍ମ ଆଡକୁ ଆକୃଷ୍ଟ କରିବାରେ ଲାଗିପଡିଛନ୍ତି ।
