କ୍ୟାନସର ଭଳି ବଡ଼ ବଡ଼ ରୋଗରୁ ମୁକ୍ତି ଦିଏ ଏହି ପାଣି, ଜାଣନ୍ତୁ କଣ

ଓଡ଼ିଶା 365 (ବ୍ୟୁରୋ) : ପ୍ରାୟତଃ ଲୋକମାନେ କାକୁଡି ଖାଇବାକୁ ପସନ୍ଦ କରନ୍ତି । କିନ୍ତୁ କାକୁଡି ପାଣି ସ୍ୱାଦ ସହିତ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ହୋଇଥାଏ । କାକୁଡିର ଥଣ୍ଡା ପ୍ରଭାବ ରହିଥାଏ, ଯାହା ଶରୀରକୁ ଡିହାଇଡ୍ରେସନ ରୁ ରକ୍ଷା କରିଥାଏ । ଏହା ବ୍ୟତୀତ କାକୁଡି ପାଣି ପିଇବା ଦ୍ୱାରା ଶରୀରକୁ ଅନେକ ଲାଭ ମିଳିଥାଏ ।
କାକୁଡି ପାଣି ଖାଇବା ଦ୍ୱାରା ମାଂସପେଶୀ ମଜବୁତ ହୁଏ । ଏଥିରେ ଥିବା ସିଲିକା ଶରୀରର ସଂଯୋଜକ ଟିସୁକୁ ସୁସ୍ଥ ରଖେ । ବ୍ୟାୟାମ କରିବା ପରେ ଏହାକୁ ଖାଇବା ଶରୀର ପାଇଁ ବହୁତ ଲାଭଦାୟକ ଅଟେ ।
କାକୁଡି ପାଣି ପିଇବା ଦ୍ୱାରା ପେଟର ଉତ୍ତାପ କମିଯାଏ ଓ ପାଟିର ତଳ ଭାଗରେ ଜମା ହୋଇଥିବା ଜୀବାଣୁ ମଧ୍ୟ ନଷ୍ଟ ହୋଇଯାଏ, ଯାହା ଦ୍ୱାରା ପାଟିରୁ ଦୁର୍ଗନ୍ଧ ଆସି ନଥାଏ ।
ଏହି ପାନୀୟରେ ବହୁତ କମ୍ କ୍ୟାଲୋରୀ ଥାଏ । ଏପରି ପରିସ୍ଥିତିରେ ଏହାକୁ ପିଇବା ଶରୀରର ଓଜନ ହ୍ରାସ କରିବାରେ ସାହାଯ୍ୟ କରିଥାଏ ।
କାକୁଡିରେ ଭିଟାମିନ୍ ଏ ସି, ବି 6, ମ୍ୟାଗ୍ନେସିୟମ୍ ଏବଂ କ୍ୟାଲସିୟମ୍ ପ୍ରଚୁର ପରିମାଣରେ ମିଳିଥାଏ, ଯାହା ଶରୀରରେ ପୋଷକ ତତ୍ତ୍ୱର ଅଭାବ ପୂରଣ କରିଥାଏ ।

ଶାରୀରିକ ଓ ମାନସିକ ସ୍ୱାସ୍ଥ୍ୟ ପାଇଁ ଏହି ସମସ୍ତ ପୋଷକ ତତ୍ତ୍ୱ ଜରୁରୀ ହୋଇଥାଏ ।
କାକୁଡି ପାଣି ଖାଇବା ଦ୍ୱାରା ମୁହଁର ଦାଗ ଓ ବ୍ରଣର ସମସ୍ୟା ଦୂର ହୋଇଥାଏ । ଏଥିରେ ଥିବା ସିଲିକା ଚେହେରାର ରଙ୍ଗକୁ ସୁଧାରିବାରେ ମଧ୍ୟ ସାହାଯ୍ୟ କରେ ।
ଏହା ବ୍ୟତୀତ କାକୁଡିରୁ ମିଳୁଥିବା ପ୍ରୋଟିନ୍ ଆମ ଶରୀରକୁ କ୍ୟାନସର ଭଳି ମାରାତ୍ମକ ରୋଗ ସହ ଲଢ଼ିବା ପାଇଁ କ୍ଷମତା ଯୋଗାଇଥାଏ । କ୍ୟାନସର କୋଶିକାରେ ଟ୍ୟୁମର ବିକାଶକୁ ରୋକିଥାଏ । ଏଥିପାଇଁ ଏହାକୁ କ୍ୟାନସର ବିରୋଧି ଫଳ କୁହାଯାଇଥାଏ । କାକୁଡିକୁ ଖାଇ କ୍ୟାନସର ଭଳି ରୋଗରୁ ନିଜକୁ ସୁରକ୍ଷିତ ରଖିପାରିବେ ।
କାକୁଡିରୁ ବାହାରୁ ଥିବା ପାଣି ଓ ଫାଇବର ଆମ ଶରୀରରେ ହଜମ ଶକ୍ତିକୁ ହିଁ ଠିକ୍ କରିଥାଏ । ଯଦି ଆପଣ ଗ୍ୟାସ୍, ପେଟ ଜଳିବା ଭଳି ସମସ୍ୟା ଦେଇ ଗତି କରୁଛନ୍ତି, ତେବେ ଗୋଟିଏ ଗ୍ଲାସ୍ କାକୁଡି ଜୁସରୁ ଆପଣଙ୍କୁ ଆଶ୍ୱସ୍ତି ମିଳିପାରିବ ।