ଓଡ଼ିଶା 365 (ବ୍ୟୁରୋ): ପାର୍ବଣକୁ ଆଖି ଆଗରେ ରଖି ଏବେ ଆକ୍ସନ ମୋଡରେ ଅବକାରୀ ବିଭାଗ । କାରରେ ଗଞ୍ଜେଇ ଚାଲାଣ ବେଳେ ଆଠମଲ୍ଲିକ ଥାନା ନିକଟରୁ ଅବକାରୀ ବିଭାଗ ଚଢାଉ କରି କାର୍ରୁ ୪୫ କେଜି ଗଞ୍ଜେଇ ସହ ଦୁଇ ଜଣଙ୍କୁ ଗିରଫ କରିଛି । ଦୁଇ ଗଞ୍ଜେଇ ବେପାରୀ ସୁଶାନ୍ତ ମହନନ୍ଦିଆ ଓ ସୁଶୀଲ ମହନନ୍ଦିଆ ବୋଲି ଜଣାପଡ଼ିଛି। ବୌଦ୍ଧ ଜିଲ୍ଲାରୁ ବାହାର ରାଜ୍ୟକୁ ଏହି ଗଞ୍ଜେଇ ଚୋରାରେ ଚାଲାଣ ହେଉଥିଲା ।
ସୂଚନା ଅନୁଯାୟୀ, ବୌଦ୍ଧ ଜିଲ୍ଲାରେ ଏକ କାର୍ରେ ଗଞ୍ଜେଇ ବୋଝେଇ କରି ଦୁଇ ଜଣ ବେପାରୀ ଯାଉଥିଲେ । ଏହି ସମୟରେ ଅବକାରୀ ବିଭାଗ ଚଢାଉ କରି କାର୍କୁ ଜବତ କରିଥିଲା । କାର୍ରୁ ୪୫ କେଜି ୮୦୦ ଗ୍ରାମ ଗଞ୍ଜେଇ ଜବତ ହୋଇଛି । ଏହା ସହ ଦୁଇ ଗଞ୍ଜେଇ ବେପାରୀ ସୁଶାନ୍ତ ମହନନ୍ଦିଆ ଓ ସୁଶୀଲ ମହନନ୍ଦିଆକୁ ଗିରଫ କରିଛି ଅବକାରୀ ବିଭାଗ । ତେବେ ଜବତ ହୋଇଥିବା ଗଞ୍ଜେଇର ମୂଲ୍ୟ ଚାରି ଲକ୍ଷରୁ ଅଧିବ ହେବ ବୋଲି ସୂଚନା ମିଳିଛି ।
