ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ କିଙ୍ଗ୍ ଶାହରୁଖ ଖାନ୍ । ଚଳିତ ବର୍ଷ କିଙ୍ଗଖାନ୍ ବଲିଉଡରେ ଇତିହାସ ରଚିଛନ୍ତି । ଯାହା ତାଙ୍କ ପାଇଁ ଏକ ସ୍ମୃତି ହୋଇ ରହିବ । କେବଳ ଭାରତ ନୁହେଁ ଦେଶ ବିଦେଶରେ ବି ନିଜର ଜଲୱା ଦେଖାଉଛନ୍ତି ଶାହରୁଖ । ପ୍ରଥମେ ୨୦୨୩ର ଆରମ୍ଭରେ ଶାହରୁଖ ଖାନଙ୍କ ‘ପଠାନ’ ମୁକ୍ତିଲାଭ କରିଥିଲା। ଯାହାର ବହୁତ ଭଲ ସଂଗ୍ରହ ଥିଲା । ଏହା ପରେ ଶାହାରୁଖ ‘ଜୱାନ’ ଆସିଥିଲା। ଯାହାକି ଏକ ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା । ବକ୍ସ ଅଫିସରେ ବହୁତ ଟଙ୍କା ରୋଜଗାର କରି ବଲିଉଡରେ ଇତିହାସ ରଚିଛି ଫିଲ୍ମ ‘ଜୱାନ’ ।
ବର୍ତ୍ତମାନ ‘ଜୱାନ’ର କ୍ରେଜ କମିନଥିବାବେଳେ ପୁଣି ଶାହରୁଖ୍ ଦର୍ଶକ ମାନଙ୍କୁ ଆଉ ଏକ ଉପହାର ଭେଟିଦେବାକୁ ଯାଉଛନ୍ତି । ଚଳିତ ବର୍ଷର ଶାହରୁଖଙ୍କ ତୃତୀୟ ଚଳଚ୍ଚିତ୍ର ‘ଡଙ୍କି’ ଘୋଷଣା ଘୋଷଣା ହୋଇସାରିଛି ।ଖ୍ରୀଷ୍ଟମାସ ଅବସରରେ ଏହି ଚଳଚ୍ଚିତ୍ର ପ୍ରେକ୍ଷାଳୟରେ ମୁକ୍ତିଲାଭ କରିବ । ଆଜିଠାରୁ ପ୍ରଶଂସକମାନେ ଫିଲ୍ମର ଆଡଭାନ୍ସ ବୁକିଂକୁ ଅପେକ୍ଷା କରିଛନ୍ତି। ଚଳଚ୍ଚିତ୍ରଟି ଏପର୍ୟ୍ୟନ୍ତ ପ୍ରେକ୍ଷାଳୟରେ ରିଲିଜ୍ ହୋଇନାହିଁ ଏବଂ ଏହାର OTT ରାଇଟ୍ସକୁ ନେଇ ଖବର ସାମ୍ନାକୁ ଆସିଛି। ଡଙ୍କି ଫିଲ୍ମ ରିଲିଜ୍ ପୂର୍ବରୁ ମଧ୍ୟ କୋଟି ଟଙ୍କା ରୋଜଗାର କରିଛି। ପ୍ରଶଂସକମାନେ ଡିଙ୍କିରେ ଶାହାରୁଖ ଖାନ ଏବଂ ତାପସୀ ପନ୍ନୁଙ୍କ ଯୋଡି ଦେଖିବାକୁ ପାଇବେ । ବଲିଉଡର ଏହି ନୂଆ କପଲ ପ୍ରଶଂସକମାନେ ବହୁତ ପସନ୍ଦ କରିବେ । ଶାହାରୁଖଙ୍କ ଡଙ୍କି ନେଟଫ୍ଲିକ୍ସରେ ମୁକ୍ତିଲାଭ କରିବ ନାହିଁ। ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ଜିଓ ସିନେମା ଦ୍ୱାରା ଡଙ୍କିର OTT ରାଇଟ୍ସ ବିକ୍ରି କରାଯାଇଛି।
ଖବର ଅନୁଯାୟୀ, ଏହି ଚୁକ୍ତି ୧୫୫ କୋଟି ଟଙ୍କା ପାଇଁ କରାଯାଇଛି। ଫିଲ୍ମ ରିଲିଜ୍ ପୂର୍ବରୁ ମଧ୍ୟ ୧୫୫ କୋଟି ଟଙ୍କା ରୋଜଗାର କରିଛି। ଡଙ୍କି ଉଭୟ ଡିଜିଟାଲ ଏବଂ ସାଟେଲାଇଟ୍ ରାଇଟ୍ସ ୨୩୦ କୋଟିରେ ବିକ୍ରି ହୋଇଛି। ହେଲେ ଏହାର ସରକାରୀ ସୂଚନା ଏପର୍ୟ୍ୟନ୍ତ ଦିଆଯାଇ ନାହିଁ। ଶାହାରୁଖଙ୍କ ଫିଲ୍ମ ଡଙ୍କି ରାଜକୁମାର ହିରାନୀଙ୍କ ସହ ତାଙ୍କ ପତ୍ନୀ ଗୌରୀ ଖାନ ଏବଂ ଜ୍ୟୋତି ଦେଶପାଣ୍ଡେ ପ୍ରସ୍ତୁତ କରିଛନ୍ତି। ଏହି ଚଳଚ୍ଚିତ୍ରରେ ବିକି କୌଶଲ ବୋମାନ ଇରାନୀ, ସତୀଶ ଶାହା, ଦିଆ ମିର୍ଜାଙ୍କୁ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ ।
