ଓଡ଼ିଶା 365 (ବ୍ୟୁରୋ): ବଲିଉଡରେ ନୂଆ ରେକର୍ଡ ସୃଷ୍ଟି କରିଛି ଶାହରୁଖଙ୍କ ଫିଲ୍ମ ‘ଜୱାନ’ । ବକ୍ସ ଅଫିସରେ ଦମଦାର କଲେକ୍ସନ କରି ହିଟ୍ ସାବ୍ୟସ୍ତ ହୋଇଛି। ସମସ୍ତ ହିନ୍ଦୀ ସିନେମାକୁ ପଛରେ ପକାଇ ଦୃତ ଗତିରେ ମାଡି ଚାଲିଛି ‘ଜୱାନ’ । ଏହି ଫିଲ୍ମ ପ୍ରଶଂସକଙ୍କ ଠାରୁ ବହୁତ ଭଲ ପାଇବା ପାଇଛି। ‘ଜୱାନ’ ଭାରତରେ ୫୦୦ କୋଟିରୁ ଅଧିକ ଟଙ୍କା କଲେକ୍ସନ କରିଥିବା ବେଳେ ଆଗକୁ ଏହା ବୃଦ୍ଧି ପାଇବ ବୋଲି କୁହାଯାଉଛି। ଏହି ଫିଲ୍ମଟି ୧୩ ଦିନରେ ଓ୍ବାର୍ଲଡ ଓ୍ବାଇଡ୍ ୯୦୦ କୋଟି ଟଙ୍କା ସଂଗ୍ରହ କରିଛି । ‘ଜୱାନ’ ରେ ଶାହାରୁଖ ଖାନଙ୍କ ସହ ନୟନତାରା ମୁଖ୍ୟ ଭୂମିକାରେ ନଜର ଆସିଛନ୍ତି । ହେଲେ ଶୁଣିବାକୁ ମିଳୁଛି ଯେ, ନୟନତାରା ଏହି ଫିଲ୍ମକୁ ନେଇ ଖୁସି ନାହାଁନ୍ତି । ଏବଂ ବଲିଉଡ ଫିଲ୍ମ ଆଉ କେବେ କରିବେ ନାହିଁ ବୋଲି କହିଥିବା ଚର୍ଚ୍ଚା ହେଉଛି ।
ଖବର ମୁତାବକ, ନୟନ୍ତରା ଆଉ କୌଣସି ବଲିଉଡ ଫିଲ୍ମ କରିବେ ନାହିଁ । ଏହି ଚଳଚ୍ଚିତ୍ରରେ ତାଙ୍କର ଭୂମିକା କଟିଯାଇଥିବାରୁ ସେ ‘ଜୱାନ’ର ନିର୍ଦ୍ଦେଶକ ଏଟଲି କୁମାରଙ୍କ ଉପରେ ରାଗିଛନ୍ତି। ଆହୁରି ମଧ୍ୟ ଦୀପିକାଙ୍କ ଚରିତ୍ର ବିସ୍ତାର କରାଯାଇଥିଲା ଏବଂ ନୟନତାରାଙ୍କ ଭୂମିକା ଅଲଗା କରାଯାଇଥିଲା। ଦୀପିକା ପାଦୁକୋନ ଶାହାରୁଖ ଖାନଙ୍କ ସହ ଅନେକ ଚଳଚ୍ଚିତ୍ରରେ କାମ କରିଛନ୍ତି। ‘ଜୱାନ’ ରେ ତାଙ୍କର କ୍ୟାମୋ ବୃଦ୍ଧି କରାଯାଇଥିଲା ହେଲେ ତଥାପି ଦର୍ଶକ ତାଙ୍କୁ ବହୁତ ପସନ୍ଦ କରିଥିଲେ।
ଏହାସହ ନୟନ୍ତରା ମଧ୍ୟ ‘ଜୱାନ’ର ପ୍ରମୋସନ ଇଭେଣ୍ଟରେ ଅଂଶଗ୍ରହଣ କରିନଥିଲେ। କେବଳ ଏତିକି ନୁହେଁ ମୁମ୍ବାଇରେ ‘ଜୱାନ’ର ସଫଳତକୁ ନେଇ ଆୟୋଜିତ ସାମ୍ବାଦିକ ସମ୍ମିଳନୀରେ ନୟନ୍ତରା ମଧ୍ୟ ଯୋଗ ଦେଇନଥିଲେ ।ଏହି କାର୍ୟ୍ୟକ୍ରମରେ ଶାହାରୁଖ ଖାନ, ଦୀପିକା ପାଦୁକୋନ, ବିଜୟ ସେଥୁପଥି, ସାନିଆ ମାଲହୋତ୍ରା, ରିଦ୍ଧି ଡୋଗ୍ରା, ଏଟଲିଙ୍କୁ ଦେଖିବାକୁ ମିଳିଥିଲା । ତେଣୁ ଏଥିରୁ ସ୍ପଟ ହେଉଛି ଯେ, ଏହି ଫିଲ୍ମକୁ ନେଇ ନୟନତାରା ଖୁସି ନାହାଁନ୍ତି ।
