କଞ୍ଚା ହଳଦୀରେ ରହିଛି ବହୁ ଔଷଧୀୟ ଗୁଣ

ଓଡ଼ିଶା 365 (ବ୍ୟୁରୋ) :ରୋଷେଇ ଘରେ ଥିବା ହଳଦୀ ପ୍ରାୟ ପ୍ରତ୍ଯେକ ଦିନ ମସୁର ଡାଲି, ପନିପରିବା ଏବଂ ଅନ୍ଯାନ୍ଯ ଖାଦ୍ୟର ସ୍ବାଦ, ସୁଗନ୍ଧ ଏବଂ ରଙ୍ଗ ବଢ଼ାଇବା ପାଇଁ ବ୍ଯବହୃତ ହୁଏ । ଶୀତ ଋତୁରେ ହଳଦୀ ଚା ଏବଂ ହଳଦୀ କ୍ଷୀର ବହୁଳ ଭାବରେ ବ୍ଯବହୃତ ହୁଏ ହଳଦୀରେ ଥିବା କ୍ଯାଲସିୟମ୍, ଆଇରନ୍, ସୋଡିୟମ୍, ଶକ୍ତି, ପ୍ରୋଟିନ୍, ଭିଟାମିନ୍ ଇ, ଭିଟାମିନ୍ ସି, ଏବଂ ଫାଇବର ଭଳି ଉପାଦାନ ଶରୀରକୁ ଅନେକ ଉପକାର ଯୋଗାଇବାରେ ସାହାଯ୍ଯ କରିଥାଏ। କିନ୍ତୁ ଆପଣ କଞ୍ଚା ହଳଦୀର ଉପକାରିତା ଜାଣିଛନ୍ତି, ହଁ ଆପଣ ଏହାକୁ ସମ୍ପୂର୍ଣ୍ଣ ଠିକ୍ ଶୁଣିଛନ୍ତି କଞ୍ଚା ହଳଦୀ ଗୁଣର ଭଣ୍ଡାର ବୋଲି କୁହାଯାଏ। କଞ୍ଚା ହଳଦୀରେ ମିଳୁଥିବା ଗୁଣ ଶରୀରକୁ ଅନେକ ଲାଭ ଯୋଗାଇବାରେ ସାହାଯ୍ଯ କରିଥାଏ । ଖାଦ୍ୟରେ କଞ୍ଚା ହଳଦୀକୁ ମିଶାଇ ରୋଗ ପ୍ରତିରୋଧକ ଶକ୍ତି ଦୃଢ଼ ହୋଇପାରିବ । ତେବେ ଆସନ୍ତୁ ଜାଣିବା କଞ୍ଚା ହଳଦୀର ଲାଭ।କଞ୍ଚା ହଳଦୀଖାଇବାର ସ୍ବାସ୍ଥ୍ୟ ପାଇଁ ଅନେକ ଉପକାର ରହିଛି । କଞ୍ଚା ହଳଦୀ ଖାଇ ମଧୁମେହକୁ ନିୟନ୍ତ୍ରଣରେ ରଖାଯାଇପାରିବ।

ହଳଦୀରେ ଥିବା କର୍କୁମିନ୍ ରକ୍ତରେ ଗ୍ଲୁକୋଜର ସ୍ତରକୁ ହ୍ରାସ କରି ଆଣ୍ଟିହାଇପଗର୍ଲାଇସେମିକ୍ ପ୍ରଭାବ ପ୍ରଦର୍ଶନ କରିପାରେ । ହଳଦୀରେ ଉପସ୍ଥିତ କର୍କୁମିନର ବ୍ଯବହାର ଆଣ୍ଟିବଡି ପ୍ରତିକ୍ରିୟାକୁ ବଢ଼ାଇପାରେ । କଞ୍ଚା ହଳଦୀ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ଦୃଢ଼ ହୋଇପାରିବ । ସଂକ୍ରମଣରୁ ରକ୍ଷା ପାଇବା ପାଇଁ ଆପଣ ଖାଦ୍ୟରେ କଞ୍ଚା ହଳଦୀକୁ ଅନ୍ତର୍ଭୁକ୍ତ କରିପାରିବେ ।  କଞ୍ଚା ହଳଦୀରେ ଆଣ୍ଟିସେପ୍ଟିକ୍ ଏବଂ ଆଣ୍ଟିବ୍ଯାକ୍ଟେରିଆଲ୍ ଗୁଣ ରହିଛି, ଯାହା ଶରୀରକୁ ଅନେକ ସଂକ୍ରମଣରୁ ରକ୍ଷା କରିବାରେ ସାହାଯ୍ଯ କରିଥାଏ । ହଜମକୁ ଭଲ ରଖିବା ପାଇଁ ଆପଣ କଞ୍ଚା ହଳଦୀ ଖାଇପାରିବେ। କଞ୍ଚା ହଳଦୀରେ ଥିବା କର୍କୁମିନର ଆଣ୍ଟି-ଇନ୍ଫାମେଟୋରୀ ଏବଂ ଆଣ୍ଟିଅକ୍ସିଡାଣ୍ଟ ଗୁଣ ହଜମ ପ୍ରକ୍ରିୟାକୁ ମଜବୁତ କରିବାରେ ସାହାଯ୍ଯ କରିଥାଏ । ଶୀତ ଋତୁରେ ଅନେକ ଲୋକଙ୍କ ଗଳାରେ ଯନ୍ତ୍ରଣା ଦେଖାଯାଏ ।ଗଳାର ଯନ୍ତ୍ରଣାରୁ ମୁକ୍ତି ପାଇବା ପାଇଁ ଆପଣ ଏକ ଗ୍ଲାସ କ୍ଷୀରକୁ ଅଧା ଚାମଚ କଞ୍ଚା ହଳଦୀ ପାଉଡର ସହିତ ମିଶାଇ ପିଇପାରିବେ ।