ଓଡ଼ିଶା 365 (ବ୍ୟୁରୋ): ଆଖି ବୁଜିଲେ ଅଖିଲ ମିଶ୍ର । କାମ କରୁଥିବା ସମୟରେ ବିଲଡିଂରୁ ଖସି ପଡ଼ିବା ପରେ ଅଭିନେତାଙ୍କର ମୃତ୍ୟୁ ହୋଇଥିଲା । ଅଖିଲ ମିଶ୍ରଙ୍କ ଆକସ୍ମିକ ଦେହାନ୍ତ ବଲିଉଡ ଇଣ୍ଡଷ୍ଟ୍ରିରେ ଶୋକର ଛାୟା ଖେଳି ଯାଇଛି। ପ୍ରଶଂସକମାନେ ଅଖିଲଙ୍କ ମୃତ୍ୟୁ ଖବରକୁ ବିଶ୍ୱାସ କରିପାରୁନାହାଁନ୍ତି । ଅଖିଲ ଅନେକ ଟିଭି ଶୋ ଏବଂ ଚଳଚ୍ଚିତ୍ର ଅଭିନୟ କରିଥିଲେ ।ସେ ‘ଡନ୍’, ‘ଗାନ୍ଧୀ’, ‘ମାଇ ଫାଦର ‘, ‘ଶିଖର’, ‘କମଲା କି ମୌତ’, ‘ୱେଲ୍ ଡନ୍ ଅବ୍ବା ‘ ଭଳି ଚଳଚ୍ଚିତ୍ରରେ ଅନେକ ଭୂମିକାରେ ଅଭିନୟ କରି ଦର୍ଶକଙ୍କୁ ନିଜ ଜାଦୁରେ ବାନ୍ଧି ରଖିଥିଲେ । ହେଲେ ୩ ଇଡିୟଟ୍ସରୁ ଅଖିଲଙ୍କୁ ବହୁ ଲୋକପ୍ରିୟତା ମିଳିଥିଲା । ଏହି ଚଳଚ୍ଚିତ୍ରରେ ଅମୀର ଖାନ, ଶର୍ମାନ ଯୋଶୀ, କରୀନା କପୁର ଖାନ, ଆର ମାଧବନ, ବୋମାନ ଇରାନୀ ଦେଖିବାକୁ ମିଳିଥିଲା । ଏହାସହ ସେ ଉତ୍ତରମ(ଉମେଦ ସିଂ ବୁନ୍ଦେଲା), ଉଡାନ, ସିଆଇଡି, ଶ୍ରୀମାନ ଶ୍ରୀମତି, ଭାରତ ଏକ ଖୋଜ, ରଜନୀ ଆଦି ଅନେକ ସିରିଏଲ ପରି ଅନେକ ଲୋକପ୍ରିୟ ଟେଲିଭିଜନ ଶୋ’ର ଏକ ଅଂଶ ଥିଲେ। ଆଜି ତାଙ୍କର ମୃତ୍ୟୁ ବଲିଉଡ ପାଇଁ ଏକ ଅପୂରଣୀୟ କ୍ଷତି ହୋଇଛି ।
