ମା’ ହେଲେ ଦିଶା ପରମାର

ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ଟେଲି ଅଭିନେତ୍ରୀ ଦିଶା ପରମାର ଓ ଗାୟକ ରାହୁଲ ବୈଦ୍ୟ । ତାଙ୍କ ଘରେ ଏବେ ମହାଲକ୍ଷୀଙ୍କ ପାଦ ପଡିଛି । ଗତକାଲି ଏକ ସୁନ୍ଦର ଶିଶୁ କନ୍ୟାକୁ ଜନ୍ମ ଦେଇ ଫ୍ୟାନ୍ସମାନଙ୍କୁ ଖୁସିଖବର ଦେଇଛନ୍ତି ଦିଶା । ବର୍ତ୍ତମାନ ତାଙ୍କ ପରିବାରରେ ଖୁସିର ମାହୋଲ ଖେଳିଯାଇଛି । ବାପା ହେବା ଖୁସିରେ ନିଜେ ରାହୁଲ ସୋସିଆଲ ମିଡିଆରେ ତାଙ୍କର ସମସ୍ତ ପ୍ରଶଂସକଙ୍କ ସହ ଏହି ଖୁସି ଖବର ସେୟାର କରିଛନ୍ତି। ସେ ଏକ ପୋଷ୍ଟରେ ଶିଶୁ ହାତୀର ଏକ କାର୍ଟୁନ୍ ସେୟାର କରିଛନ୍ତି । ଯେଉଁଥିରେ ଲେଖା ହୋଇଛି ‘ଇଟ୍ସ ଏ ବେବି ଗର୍ଲ’ । ଏହା ସହିତ ସେ କ୍ୟାପସନରେ କହିଛନ୍ତି ଯେ ଉଭୟ ଶିଶୁ ଏବଂ ମା ସମ୍ପୂର୍ଣ୍ଣ ଭଲ ଅଛନ୍ତି। ରାହୁଲ ପରିବାର ଏବଂ ଡାକ୍ତରଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି।

ଏହାସହ ରାହୁଲ କ୍ୟାପସନରେ ଲେଖିଛନ୍ତି ଯେ, ‘ଆମେ ଏକ ଶିଶୁ କନ୍ୟା ସହିତ ଆଶୀର୍ବାଦ ଲାଭ କରିଛୁ । ଉଭୟ ମା’ ଏବଂ ଶିଶୁ ସୁସ୍ଥ ଏବଂ ସଂପୂର୍ଣ୍ଣ ଭଲ ଅଛନ୍ତି । ଆମେ ଆମର ଡାକ୍ତରଙ୍କୁ ବିଶେଷ ଧନ୍ୟବାଦ ଦେବାକୁ ଚାହୁଁଛୁ ଯିଏ ଗର୍ଭଧାରଣରୁ ଜନ୍ମ ପର୍ୟ୍ୟନ୍ତ ଆମ ଶିଶୁର ଯତ୍ନ ନେଇଥିଲେ ଏବଂ ଆମ ପରିବାରକୁ ମଧ୍ୟ ଧନ୍ୟବାଦ ଦେଉଛୁ । ଆମେ ପିତା, ମାତା ହୋଇ ବହୁତ ଖୁସି, ଦୟାକରି ଆମ ଶିଶୁ କନ୍ୟାକୁ ଆଶୀର୍ବାଦ କରନ୍ତୁ ।’ ସେପଟେ ଫ୍ୟାନ୍ସମାନେ ମଧ୍ୟ ସୋସିଆଲ ମିଡିଆରେ ରାହୁଲ- ଦିଶାଙ୍କୁ ଶୁଭେଚ୍ଛା ଜଣାଇବା ସହ ତାଙ୍କ ଝିଅ ପାଇଁ ଭଗବାନଙ୍କ ନିକଟରେ ଆଶୀର୍ବାଦ କାମନା କରିଛନ୍ତି ।