ଓଡ଼ିଶା ୩୬୫ (ବ୍ୟୁରୋ): ଭାରତ ଏବଂ ଆମେରିକା ମଧ୍ୟରେ ଥିବା ଗଭୀର ସମ୍ପର୍କକୁ ନେଇ ଏବେ ସାରା ବିଶ୍ୱରେ ଚର୍ଚ୍ଚା । ଏହି ସମୟରେ, ଏକ ଖବର ଆସିଛି ଯେ, ଆମେରିକାର ରାଷ୍ଟ୍ରପତି ଜୋ ବିଡେନ ପୁଣିଥରେ ଭାରତ ଗସ୍ତ କରିପାରନ୍ତି। ଜି-୨୦ ଶିଖର ସମ୍ମିଳନୀ ପାଇଁ ବିଡେନଙ୍କୁ ଭାରତ ଗସ୍ତ କରିବାକୁ ନିମନ୍ତ୍ରଣ କରାଯାଇଛି। ଆସନ୍ତା ବର୍ଷ ଗଣତନ୍ତ୍ର ଦିବସ ପାଳନ ପରେଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଡେନଙ୍କୁ ମୁଖ୍ୟ ଅତିଥି ଭାବରେ ନିମନ୍ତ୍ରଣ କରିଛନ୍ତି। ତେବେ ବିଡେନଙ୍କ ଦ୍ୱାରା ଏହି କାର୍ୟ୍ୟକ୍ରମ ଚୂଡାନ୍ତ ହୋଇନାହିଁ।
ଏହି ପରିପ୍ରେକ୍ଷୀରେ, ଭାରତରେ ଆମେରିକାର ରାଷ୍ଟ୍ରଦୂତ ଏରିକ ଗାରସେଟୀ ଜାତୀୟ ଗଣମାଧ୍ୟମକୁ ସୂଚନା ଦେଇଛନ୍ତି। ନୂଆଦିଲ୍ଲୀରେ ହେବାକୁ ଥିବା ଜି -୨୦ ଶିଖର ବୈଠକର ଗୋଟିଏ ଦିନ ପୂର୍ବରୁ ଅନୁଷ୍ଠିତ ଦ୍ୱିପାକ୍ଷିକ ବୈଠକରେ ଏହି ନିମନ୍ତ୍ରଣ ଦିଆଯାଇଛି ବୋଲି ଗାର୍ସେଟ୍ଟି କହିଛନ୍ତି। ଗାର୍ସେଟ୍ଟି ଆହୁରି କହିଛନ୍ତି, ପ୍ରଧାନମନ୍ତ୍ରୀ ମୋଦିଙ୍କ ନିମନ୍ତ୍ରଣ ଦୁଇ ଦେଶ ମଧ୍ୟରେ ଗଭୀର ସମ୍ପର୍କକୁ ପ୍ରତିଫଳିତ କରେ । ଆଗାମୀ ବର୍ଷଗୁଡ଼ିକରେ ସେମାନେ ଅଧିକ ଶକ୍ତିଶାଳୀ ସମ୍ପର୍କ ସ୍ଥାପନ କରିବାକୁ ଆଗ୍ରହୀ । ଯେତେବେଳେ ଆଗାମୀ ଗଣତନ୍ତ୍ର ଦିବସ ପାଳନ ସମୟରେ କ୍ୱାଡ ନେତାଙ୍କ ଗସ୍ତ ବିଷୟରେ ଗାର୍ସେଟୀଙ୍କୁ ଏକ ପ୍ରଶ୍ନ ପଚରାଯାଇଥିଲା, ସେତେବେଳେ ସେ ଏହି ସୂଚନା ବାଣ୍ଟିଥିଲେ।
‘ଭାରତ ଏକ ବଡ ରଣନୀତିକ ପଦକ୍ଷେପ ନେବାକୁ ପ୍ରସ୍ତୁତ ହେଉଛି’
ପୂର୍ବରୁ ଗଣମାଧ୍ୟମର ରିପୋର୍ଟରେ କୁହାଯାଇଥିଲା ଯେ ଗଣତନ୍ତ୍ର ଦିବସ ପାଳନ ପାଇଁ ଭାରତ ସମସ୍ତ କ୍ୱାଡ ନେତାଙ୍କୁ ଆମନ୍ତ୍ରଣ କରିବାକୁ ଚିନ୍ତା କରୁଛି। କ୍ୱାଡ ଫ୍ରଣ୍ଟରେ ଭାରତ ଏକ ବଡ ରଣନୀତିକ ପଦକ୍ଷେପ ନେବାକୁ ପ୍ରସ୍ତୁତ ହେଉଛି। କ୍ୱାଡ ନେତାଙ୍କ ନାମରେ ଅଷ୍ଟ୍ରେଲୀୟ ପ୍ରଧାନମନ୍ତ୍ରୀ ଆନ୍ଥୋନୀ ଆଲବାନେ ଏବଂ ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଡା ଅନ୍ତର୍ଭୁକ୍ତ। ତେବେ ଚୂଡାନ୍ତ ନିଷ୍ପତ୍ତି ଏହି ବିଶ୍ୱ ନେତାଙ୍କ ଉପଲବ୍ଧତା ଉପରେ ନିର୍ଭର କରିବ ବୋଲି ଜଣାଯାଇଛି।
