ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ୍ କିଙ୍ଗ୍ ଶାହରୁଖ ଖାନ୍ ।ଇତିହାସ ରଚୁଛି ଫିଲ୍ମ ‘ଜୱାନ’ ।ସାରା ଦେଶରେ ନିଜର ଜଲୱା ଦେଖାଉଛନ୍ତି ଶାହରୁଖ । ଫିଲ୍ମ ‘ଜୱାନ’ ଦେଖିବା ପରେ ପ୍ରଶଂସା ନକରି ରହିପାରୁନାହାନ୍ତି ଦର୍ଶକ । ସମସ୍ତଙ୍କ ମୁହଁରେ ‘ଜୱାନ’ଓ ଶାହରୁଖଙ୍କ ପ୍ରଶଂସା । କେବଳ ଭାରତ ନୁହେଁ ଦେଶ ବିଦେଶରେ ବି ହଇଚଇ ସୃଷ୍ଟି କରୁଛି ‘ଜୱାନ’। ବକ୍ସ ଅଫିସରେ ଧମାଲ୍ କରିବା ସହ ଲୋକଙ୍କ ମନ ଜିଣିବାରେ ଲାଗିପଡିଛି । ପ୍ରଥମ ଦିନରେ ୧୨୯. ୬ କୋଟି ଆୟ କରିବା ଦିନ ଠାରୁ ଏହି ଫିଲ୍ମଟି ପ୍ରତ୍ୟେକ ଦିନ ଗୋଟିଏ ପରେ ଗୋଟିଏ ରେକର୍ଡ ସୃଷ୍ଟି କରି ଚାଲିଛି। ସମସ୍ତ ବ୍ଲକବଷ୍ଟର ଫିଲ୍ମର ରେକର୍ଡ ବ୍ରେକ୍ କରି ଆଗକୁ ମାଡ଼ି ଚାଲିଛି କିଙ୍ଗ୍ ଖାନଙ୍କ ଫିଲ୍ମ ‘ଜୱାନ’ । ରିଲିଜ୍ ହେବାର ଦୁଇ ସପ୍ତାହ ବିତିଯାଇଥିଲେ ମଧ୍ୟ ଏବେ ବି କମିନି ‘ଜୱାନ’ର କ୍ରେଜ୍ ।
ଗୋଟିଏ ପଟେ ଶାହାରୁଖଙ୍କ ‘ଜୱାନ’ ସାରା ବିଶ୍ଵରେ ୮୦୦ କୋଟି ଟଙ୍କା ଅତିକ୍ରମ କରିସାରିଥିଲେ ମଧ୍ୟ ଘରୋଇ ବକ୍ସ ଅଫିସରେ ୫୦୦ କୋଟିରୁ କିଛି ଦୂରରେ ଥିଲା । ହେଲେ ଗତକାଲି ଅର୍ଥାତ ଗଣେଷ ପୂଜା ଅବସରରେ ଏହି ଫିଲ୍ମ ଆଉ ଏକ ମାଇଲଖୁଣ୍ଟ ଅତିକ୍ରମ କରି ଏକ ନୂଆ ରେକର୍ଡ ସୃଷ୍ଟି କରିଛି। ସୂଚନା ଅନୁଯାୟୀ, ଦ୍ୱିତୀୟ ସପ୍ତାହ ମଙ୍ଗଳବାରରେ ୧୪ କୋଟି ଟଙ୍କା ସଂଗ୍ରହ କରିଛି ‘ଜୱାନ’ । ଏହା ସହିତ ‘ଜୱାନ’ ର ମୋଟ ରୋଜଗାର ବର୍ତ୍ତମାନ ୫୦୭.୮୮ କୋଟିରେ ପହଞ୍ଚିଛି। ଅର୍ଥାତ୍ ୫୦୦ କୋଟି କ୍ଲବରେ ସାମିଲ୍ ହୋଇପାରିଛି ଫିଲ୍ମ ‘ଜୱାନ’ । ଯାହା ‘ଜୱାନ’ର ନିର୍ମାତା ଏବଂ ଶାହରୁଖଙ୍କ ପାଇଁ ବଡ଼ ଖୁସିର ଖବର ପାଲଟିଛି ।
