ଓଡ଼ିଶା 365 (ବ୍ୟୁରୋ): ବଲିଉଡରେ ଇତିହାସ ସୃଷ୍ଟି କରିଛି ସନି ଦେଓଲଙ୍କ ଫିଲ୍ମ ‘ଗଦର ୨’ । ବକ୍ସ ଅଫିିସରେ ଦମଦାର କଲେକ୍ସନ ସହ ସମସ୍ତଙ୍କ ମନ ଜିଣିନେଇଛି ‘ଗଦର ୨’ । ଏବେ ବି ପ୍ରେକ୍ଷାଳୟରେ ରାଜ୍ କରୁଛି ସନି ଦେଓଲଙ୍କ ଫିଲ୍ମ ‘ଗଦର ୨’ । ଏହା ମୋଟ୍ ୩୮ ଦିନ ମଧ୍ୟରେ ୫୨୦.୬୦ କୋଟି ଟଙ୍କା ରୋଜଗାର କରିସାରିଲାଣି । ସେପଟେ, ଏହି ଚଳଚ୍ଚିତ୍ର ସନ୍ନିଙ୍କ କ୍ୟାରିୟରର ସବୁଠାରୁ ବଡ ଚଳଚ୍ଚିତ୍ର ହୋଇପାରିଛି । ‘ଗଦର-୨’ର ଏତେ ବଡ଼ ସଫଳତା ପରେ ସନ୍ନି ଦେଓଲଙ୍କ ସଫଳତାର ପାର୍ଟୀ ମୁମ୍ବାଇରେ ଅନୁଷ୍ଠିତ ହୋଇଥିଲା। ସଲମାନଙ୍କ ଠାରୁ ଆରମ୍ଭ କରି ଅମୀର ଖାନ୍ ଏବଂ ଶାହରୁଖ ଖାନ୍ , ସଞ୍ଜୟ ଦତ୍ତଙ୍କ ଭଳି ଅନେକ ତାରକା ଯୋଗ ଦେଇଥିଲେ । ଏହାସହ ବଲିଉଡର ଷ୍ଟାଇଲିସ୍ ଯୋଡି ସିଦ୍ଧାର୍ଥ ମଲହୋତ୍ରା ଓ କିଆରା ଆଡଭାନୀଙ୍କ ସମେତ କାଜୋଲ-ଅଜୟ ଦେବଗନ୍ , ଶିଳ୍ପା ଶେଟ୍ଟୀ, କ୍ରିତି ସାନନ,ଉତ୍କର୍ଷ ଶର୍ମା, ଚଳଚ୍ଚିତ୍ରର ନିର୍ଦ୍ଦେଶକ ଅନିଲ ଶର୍ମା, ଅମିଶା ପଟେଲ, ସୁନିଲ ଶେଟ୍ଟୀ, ସଞ୍ଜୟ ଦତ୍ତ, ଅନୀଲ କପୁର ଏବଂ ବିକି କୌଶଲ, ଅନୁପମ୍ ଖେର, ଅଭିଷେକ ବଚ୍ଚନଙ୍କ ଭଳି ବଡ଼ ବଡ଼ ତାରକା ସନ୍ନିଙ୍କ ‘ଗଦର ୨’ ର ସଫଳ ପାର୍ଟିରେ ଯୋଗ ଦେଇଥିଲେ। ।
ଏହାସହ ‘ଗଦର ୨’ କେବେ ଓଟିଟି ପ୍ଲାଟଫର୍ମରେ ମୁକ୍ତିଳାଭ କରିବ ଏନେଇ ଦର୍ଶକମାନେ ଅପେକ୍ଷାରେ ଥିଲେ । ହେଲେ ଖୁବଶୀଘ୍ର ଦର୍ଶକ ମାନଙ୍କ ଅପେକ୍ଷାର ଅନ୍ତ ଘଟିବାକୁ ଯାଉଛି । ଜି୫ ଓଟିଟି ପ୍ଲାଟଫର୍ମରେ ‘ଗଦର ୨’ ରିଲିଜ ହେବ। ଓଟିଟି ପ୍ରିମିୟର୍ ୬ ଅକ୍ଟୋବରରେ ଜି୫ରେ ହେବ। ଯଦିଓ ନାଟ୍ୟ ରିଲିଜ ହେବାର ଚାରି ସପ୍ତାହ ପରେ କୌଣସି ଫିଲ୍ମ ଓଟିଟି ପ୍ଲାଟଫର୍ମରେ ମୁକ୍ତିଲାଭ କରେ। କିନ୍ତୁ ବକ୍ସ ଅଫିସରେ ‘ଗଦର ୨’ର ସଫଳତା ଯୋଗୁ ଓଟିଟି ପ୍ଲାଟଫର୍ମରେ ରିଲିଜ କରିବାକୁ ସମୟ ନେଇଛି। ଏହି ଖବର ଶୁଣିବା ପରେ ଫ୍ୟାନ୍ସମାନଙ୍କ ଭଲପାଇବା ଫିଲ୍ମ ‘ଗଦର ୨’ ପାଇଁ ଆହୁରି ବଢ଼ିଯାଇଛି ।
