ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବିରାଟ-ଅନୁଷ୍କାଙ୍କ ଯୋଡ଼ି । ଦୁହେଁ ଦୁହିଁଙ୍କୁ ନେଇ ବେଶ୍ ଚର୍ଚ୍ଚାରେ ଥାଆନ୍ତି । ଗତକାଲି ଅର୍ଥାତ୍ ସେପ୍ଟେମ୍ବର ୧୯ ତାରିଖ ଦିନ ପ୍ରଭୁ ଗଜାନନ ଧରାପୃଷ୍ଠରେ ଅବତରଣ କରିଥିଲେ । ପ୍ରଭୁଙ୍କ ଆବାହନ ସାରା ଦେଶରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା । ସାରା ଦେଶ ଗଣେଷ ପୂଜା ପର୍ବକୁ ଖୁବ୍ ଧୁମଧାମରେ ପାଳନ କରୁଥିବାବେଳେ ବଲିଉଡରେ ମଧ୍ୟ ଗଜାନନଙ୍କ ପୂଜାର ଝଲକ ଦେଖିବାକୁ ମିଳିଛି । ଅନେକ ସେଲିବ୍ରିଟି ନିଜ ନିଜ ଘରେ ପ୍ରଭୁଙ୍କୁ ସ୍ୱାଗତ କରିଛନ୍ତି । ଏଥିମଧ୍ୟରେ ଅନୁଷ୍କା ଶର୍ମା ଏବଂ ବିରାଟ କୋହଲି ମଧ୍ୟ ଅଛନ୍ତି। ଯାହାର ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
ଅନୁଷ୍କା ଶର୍ମା ଏବଂ ବିରାଟ କୋହଲି ପ୍ରତିବର୍ଷ ଗଣପତି ବାପ୍ପାଙ୍କୁ ସ୍ୱାଗତ କରନ୍ତି। ଏହି ବର୍ଷ ମଧ୍ୟ ସେ ଗଣେଶ ଉତ୍ସବରେ କୌଣସି ପ୍ରକାରର ଉପାୟ ଛାଡି ନଥିଲେ। ଗଣପତି ବାପ୍ପାଙ୍କ ସ୍ଵାଗତ ସୁନ୍ଦର ଢଙ୍ଗରେ କରିଥିଲେ। ଅନୁଷ୍କା ଗଣେଶଙ୍କୁ ଅଭିନନ୍ଦନ ଜଣାଇ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଅନେକ ଫଟୋ ସେୟାର କରିଥିଲେ। ଫଟୋରେ ସେ ଏବଂ ବିରାଟ କୋହଲି ଘରେ ଗଣପତିଙ୍କୁ ପୂଜା କରୁଥିବା ନଜର ଆସିଛନ୍ତି। ବିରାଟ ଧଳା କୁର୍ତ୍ତା ପାଇଜାମା ସହ ଅନୁଷ୍କା ବନାରସୀ ଶାଢୀରେ ଖୁବ୍ ସୁନ୍ଦର ଦେଖାଯାଉଥିଲେ । ପୂଜା ସମୟରେ ତାଙ୍କ ଝିଅ ଭାମିକା ମଧ୍ୟ ଉପସ୍ଥିତ ଥିଲେ ହେଲେ ତାଙ୍କ ଚେହେରା ଦେଖାଯାଉନଥିଲା। ଫଟୋ ସେୟାର କରିବାବେଳେ ଅନୁଷ୍କା ପ୍ରଶଂସକମାନଙ୍କୁ ଗଣେଶ ଚତୁର୍ଥୀର ଅଭିନନ୍ଦନ ଜଣାଇଛନ୍ତି। ଏହି ସମୟରେ ସାମନ୍ଥା, କରିସ୍ମା କପୁର, କରଣ ୱାହିଙ୍କ ସମେତ ଅନେକ ତାରକା ତାଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି ।
