ଓଡ଼ିଶା 365 (ବ୍ୟୁରୋ): ବଲିଉଡର ଖିଲାଡି କୁମାର କହିଲେ ସମସ୍ତଙ୍କ ମୁହଁରେ ଅକ୍ଷୟଙ୍କ ଚେହେରା ଉଙ୍କି ମାରେ । ଯିଏ ନିଜର ଦମଦାର ଅଭିନୟ ସାଙ୍ଗକୁ ଷ୍ଟାଇଲିସ୍ ଲୁକରେ ଦର୍ଶକଙ୍କୁ ବାନ୍ଧିରଖିଥାନ୍ତି । ସେ ତାଙ୍କ ଜୀବନକାଳ ମଧ୍ୟରେ ବଲିଉଡକୁ ଅନେକ ହିଟ୍ ଫିଲ୍ମ ଦେଇ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । ବଲିଉଡରେ ଅକ୍ଷୟ କୁମାରଙ୍କ ଡିମାଣ୍ଡ ମଧ୍ୟ ଢ଼େର୍ ଅଧିକ । ଯେଉଁଥିପାଇଁ ଅନେକ ଅଭିନେତ୍ରୀ ତାଙ୍କ ସହ କାମ କରିବାକୁ ଚାହିଁ ରହିଥାନ୍ତି।
ହେଲେ ଆପଣ ଜାଣନ୍ତି କି, ଏମିତି କିଛି ନାୟିକା ଅଛନ୍ତି ଯେଉଁମାନେ ଅକ୍ଷୟଙ୍କ ସହ କାମ କରିବାକୁ ଚାହାନ୍ତି ନାହିଁ, ଅର୍ଥାତ୍ ସିଧାସଳଖ ମୁହଁରେ ମନା କରିଦିଅନ୍ତି । ଏହି ତାଲିକାରେ ପ୍ରଥମ ନାମ ହେଉଛି ରବିନା ଟଣ୍ଡନଙ୍କର। ଏକଦା ଦୁହେଁ ପ୍ରେମରେ ଥିଲେ। ବ୍ରେକ୍ଅପ୍ ପରେ ରବିନା ଅଭିନେତାଙ୍କ ସହ କାମ କରିବାକୁ ମନା କରିଦେଇଥିଲେ। ଏବେ କିନ୍ତୁ ସେ ‘ଓ୍ବେଲକମ୍ ୩’ରେ ଅକ୍ଷୟଙ୍କ ସହ କାମ କରିପାରନ୍ତି ବୋଲି କୁହାଯାଉଛି।
ସେହିପରି ଦିନ ଥିଲା ଶିଳ୍ପା ସେଟ୍ଟୀ ଅକ୍ଷୟଙ୍କ ପ୍ରେମରେ ଉବୁଟୁବୁ ହେଉଥିଲେ। ହେଲେ ଦୁହେଁ ଅଲଗା ହେବା ପରଠାରୁ ଏକାଠି କାମ କରିବାକୁ ନାକ ଟେକୁଛନ୍ତି ।ଦିଶା ପଟାନୀ ମଧ୍ୟ ଏକଦା ଅକ୍ଷୟଙ୍କ ମଲ୍ଟିଷ୍ଟାରର୍ ଫିଲ୍ମରେ କାମ କରିବାକୁ ମନା କରି ଚର୍ଚ୍ଚାକୁ ଆସିଥିଲେ। କାରଣ ସେ ଦ୍ୱିତୀୟ ନାୟିକା ହେବାକୁ ଚାହୁଁ ନଥିଲେ।
ଅନ୍ୟପଟେ ପ୍ରିୟଙ୍କା ଚୋପ୍ରାଙ୍କ ସହ ସମ୍ପର୍କକୁ ପଦାକୁ ଆସିବା ପରେ ତାଙ୍କ ସହ ଅଭିନୟ କରିବାକୁ ଅଭିନେତ୍ରୀ ମନା କରିଥିଲେ। କଙ୍ଗନା ମଧ୍ୟ ଅକ୍ଷୟଙ୍କ ଫିଲ୍ମରେ କାମ କରିବାକୁ ଇଚ୍ଛା ନ ଥିବା କହିଛନ୍ତି। ଏହାସହ ରାଣୀ ମୁଖାର୍ଜୀ ବି ଅକ୍ଷୟଙ୍କ ଅକ୍ଷୟଙ୍କ ସହ ଫିଲ୍ମ କରିବାକୁ ସିଧାସଳଖ ମନା କରିଦିଅନ୍ତି । କରିସ୍ମା କପୁର ମଧ୍ୟ ଅକ୍ଷୟଙ୍କ ସହ ଫିଲ୍ମ କରିବାକୁ ସବୁବେଳେ ଅମଙ୍ଗ ହୋଇଥାନ୍ତି ।
