ଓଡ଼ିଶା365(ବ୍ୟୁରୋ): ବିହାର ବିଜେପି ସଭାପତି ସମ୍ରାଟ ଚୌଧୁରୀ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଚ୍ୟାଲେଞ୍ଜ କଛନ୍ତି । ସେ କହିଛନ୍ତି ଯଦି ନିର୍ବାଚନ ପାଇଁ ପ୍ରକୃତରେ ପ୍ରସ୍ତୁତ ତେବେ ୨୪ ଘଣ୍ଟା ମଧ୍ୟରେ ଇସ୍ତଫା ଦେଇ ପୁନଃ ନିର୍ବାଚନଘୋଷଣା କରନ୍ତୁ। ବିଜେପି ତାଙ୍କ ସହ ମୁକାବିଲା କରିବାକୁ ପ୍ରସ୍ତୁତ ଅଛି। ବିହାର ବିଜେପି ରାଜ୍ୟ ସଭାପତି ସମ୍ରାଟ ଚୌଧୁରୀ ରାଜ୍ୟ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ କରିଥିଲେ। ଆଗାମୀ ଦିନରେ ନିର୍ବାଚନ ପାଇଁ ବିହାର ବିଜେପି ସମ୍ପୂର୍ଣ୍ଣ ପ୍ରସ୍ତୁତ ବୋଲି ସେ କହିଛନ୍ତି। ନୀତୀଶ କୁମାର ବିହାରର ମୁଖ୍ୟମନ୍ତ୍ରୀ ଏବଂ ସେ ଯେତେବେଳେ ଚାହିଁବେ ବିଧାନସଭା ଭଙ୍ଗ କରିବାକୁ ତାଙ୍କର ଅଧିକାର ଅଛି। ସମ୍ରାଟ କହିଛନ୍ତି ଯେ ୬ମାସ ପରେ ଏମିତିରେ ବି ଲୋକସଭା ନିର୍ବାଚନ ହେବ। ନିର୍ବାଚନ ପ୍ରକ୍ରିୟା କେବେ ଆରମ୍ଭ ହେବ ତାହା ନିର୍ବାଚନ ଆୟୋଗଙ୍କ ଉପରେ ନିର୍ଭର କରେ ।
ସମ୍ରାଟ ଚୌଧୁରୀ କହିଛନ୍ତି, ବର୍ତ୍ତମାନ ସଂସଦର ଏକ ସ୍ୱତନ୍ତ୍ର ଅଧିବେଶନ ଚାଲିଛି ଏବଂ ପ୍ରଧାନମନ୍ତ୍ରୀ ନିଜେ କହିଛନ୍ତି ଅନେକ ଐତିହାସିକ କାର୍ଯ୍ୟ କରିବାକୁ ହେବ। ବିହାରରେ ଏହି ଶକ୍ତି ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ସହ ଅଛି। ସେ ତାଙ୍କ ଶକ୍ତି ବ୍ୟବହାର କରିବା ସହ ୨୪ ଘଣ୍ଟା ମଧ୍ୟରେ ବିଧାନସଭାକୁ ଭାଙ୍ଗି ନିର୍ବାଚନ ଘୋଷଣା କରିବା ଉଚିତ। ବିଜେପି ତାଙ୍କ ସହ ଲଢ଼ିବାକୁ ପ୍ରସ୍ତୁତ ଅଛି। ନୀତୀଶ କୁମାର କହିଥିଲେ ଦେଶରେ ନିର୍ବାଚନ ଯେତେଶୀଘ୍ର ହେବ ସେତେ ଭଲ।
