ଓଡ଼ିଶା 365 (ବ୍ୟୁରୋ) : ଆମେ ସାଧାରଣତଃ ବହୁତ ପରିବାକୁ ଉପକାରୀ ଭାବେ ଜାଣିଥିଲେ ବି ମଧ୍ୟ ତାହାକୁ ଖାଇନଥାନ୍ତି । କିଛି ଲୋକ ପାଟିକୁ ସୁଆଦିଆ ଲାଗିନଥାଏ ବୋଲି ଖାଇନଥାନ୍ତି ତ ଆଉ କିଛି ଲୋକ ଏହାକୁ ଖାଇବାକୁ ଆଦୌ ଇଛା ପ୍ରକାଶ କରନ୍ତି ନାହିଁ । ତେବେ ଏହାରି ଭିତରେ ବିଟ୍ ହେଉଛି ଏଭଳି ଏକ ପରିବା ଯାହାକୁ ଆମେ ଉପକାରୀ ବୋଲି ଜାଣିଥିଲେ ବି ତାହାକୁ ଖାଇନଥାନ୍ତି । ସ୍ୱାସ୍ଥ୍ୟ ଲାଗି ବିଟ୍ ଉପକାରୀ ବୋଲି ଆମେ ଭଲସେ ଜାଣିଥାନ୍ତି ମାତ୍ର ଏଥିରୁ କ’ଣ ସବୁ ଉପକାରୀତା ମିଳିଥାଏ ତାହା ଜାଣିନଥା’ନ୍ତି । ଅତ୍ୟାବଶ୍ୟକ ପୋଷକ ତତ୍ତ୍ୱ ସହିତ ପ୍ୟାକ୍ ହୋଇଥିବା ବିଟରେ ଫାଇବର, ଫୋଲେଟ୍ ଭିଟାମିନ୍ ବି୯, ମାଙ୍ଗାନିଜ୍, ପୋଟାସିୟମ୍, ଆଇରନ୍, ଏବଂ ଭିଟାମିନ୍ ସି ର ଏକ ଉତ୍ତମ ଉତ୍ସ ।
ବିଟ୍ ଏବଂ ବିଟ୍ ରସରେ ଅନେକ ସ୍ୱାସ୍ଥ୍ୟ ଉପକାର ସହିତ ଜଡିତ ହୋଇଛି, ଉନ୍ନତ ରକ୍ତ ପ୍ରବାହ, ନିମ୍ନ ରକ୍ତଚାପ ଏବଂ ଅନ୍ୟାନ ଉପକାରୀତା ଆମକୁ ଯୋଗାଇଥାଏ। ତେବେ ଜାଣିରଖନ୍ତୁ କ’ଣ ଓ କେତେ ପରିମାଣର ପୋଷକ ତତ୍ତ୍ୱ ଏଥିରେ ସବୁ ଭରି ରହିଛି । ତେବେ ଗୋଟିଏ କପ୍ (୧୩୬ ଗ୍ରାମ) ସିଝା ବିଟ୍ ରୁଟରେ ୬୦ କ୍ୟାଲୋରୀରୁ କମ୍ ଥିବାବେଳେ ୩/୪ କପ୍ (୧୦୦ ଗ୍ରାମ) କଞ୍ଚା ବିଟ୍ ରୁଟରେ ନିମ୍ନଲିଖିତ ପୁଷ୍ଟିକର ଉତ୍ସ ଉପଲବ୍ଧ ରହିଥାଏ । କାମ କରିବା ସମୟରେ ଯଦି ଥକ୍କା ଅନୁଭବ କରନ୍ତି, ତେବେ ସାଙ୍ଗେ ସାଙ୍ଗେ ବିଟ୍ ଜୁସ୍ ପିଅନ୍ତୁ । ଏହା ପିଇବା ଦ୍ୱାରା ଥକ୍କାପଣ ଦୂର ହୋଇଥାଏ । ବିଟ୍ରେ ଭିଟାମିନ୍ ବି ଓ ସି ସହିତ ଫସ୍ଫରସ୍,କ୍ୟାଲ୍ସିୟମ୍, ପ୍ରୋଟିନ୍ ଓ ଆଂଟି- ଅକ୍ସିଡାନ୍ସ ରହିଛି । ଏହା ଖାଇବା ଦ୍ୱାରା ରକ୍ତ ପରିଷ୍କାର ହେବା ସହିତ ଶରୀରରେ ଅମ୍ଳଜାନ ବଢାଇବାରେ ଏହା ସାହାଯ୍ୟ କରେ ।
