ଓଡ଼ିଶା 365 (ବ୍ୟୁରୋ): ସାଉଥ କ୍ୟୁଇନ ସାମନ୍ଥା ରୁଥ୍ ପ୍ରଭୃ। ଯିଏ କି ସିନେମା ଜଗତର ଜଣେ ଲୋକପ୍ରିୟ ଅଭିନେତ୍ରୀ ଭାବରେ ବେଶ୍ ଜଣାଶୁଣା । ଦମଦାର ଅଭିନୟ ସାଙ୍ଗକୁ ଷ୍ଟାଇଲିସ୍ ଲୁକରେ ଫ୍ୟାନ୍ସମାନଙ୍କୁ ବାନ୍ଧି ରଖିଥାନ୍ତି ଏହି ସାଉଥ କ୍ୟୁଇନ୍ । ସେ ସବୁବେଳେ ରିୟଲ୍ ଲାଇଫକୁ ନେଇ ଲାଇମଲାଇଟ୍ ରେ ରୁହନ୍ତି। ‘ଫ୍ୟାମିଲି ମ୍ୟାନ୍ ୨’ ଏବଂ ‘ପୁଷ୍ପା ୨’ର ସବୁଠାରୁ ଲୋକପ୍ରିୟ ଗୀତ ଓଃ ଆଣ୍ଟାଭାମାମାଟ୍ଟରେ ଯୁବକ ମାନଙ୍କ ହୃଦୟରେ ରାଜ କରୁଛନ୍ତି ସାମନ୍ଥା । ସାମନ୍ଥା ଅନେକ ଅଭିନେତାଙ୍କ ସହ ଫିଲ୍ମ କରିଥିବାବେଳେ ଖୁବଶୀଘ୍ର ସଲମାନଙ୍କ ସହ ବଡ଼ ପରଦାରେ ନଜର ଆସିବେ ବୋଲି ଚର୍ଚ୍ଚା ହେଉଛି । ଏହି ଖବର ଶୁଣିବା ମାତ୍ରେ ଫ୍ୟାନ୍ସମାନଙ୍କ ଦିଲ୍ ଖୁସ୍ ହୋଇଯାଇଛି । କାରଣ ଜଣେ ସାଉଥ୍ କ୍ୟୁଇନ୍ ହୋଇଥିବାବେଳେ ଆଉ ଜଣେ ବଲିଉଡ ଭାଇଜାନ ତେଣୁ ଉଭୟଙ୍କ କେମେଷ୍ଟ୍ରି ଖୁବ୍ ଜମିବ ବୋଲି ଫ୍ୟାନ୍ସମାନେ ଆଶା ବାନ୍ଧି ବସିଛନ୍ତି ।
ସୂଚନା ଅନୁଯାୟୀ, କରଣ ଜୋହରଙ୍କ ନିର୍ଦ୍ଦେଶିତ ଏକ ଚଳଚ୍ଚିତ୍ରରେ ସାମନ୍ଥା ନଜର ଆସିବାକୁ ଯାଉଛନ୍ତି। ଏହି ଚଳଚ୍ଚିତ୍ର ଧର୍ମ ପ୍ରଡକ୍ସନ୍ ବ୍ୟାନରରେ ନିର୍ମିତ ହେବ। ଚଳଚ୍ଚିତ୍ରରେ ପ୍ରସିଦ୍ଧ ଦକ୍ଷିଣ ଅଭିନେତ୍ରୀ ଅନୁଷ୍କା ଶେଟ୍ଟୀ ଏବଂ ତ୍ରିଶାଙ୍କୁ ମଧ୍ୟ ଦେଖିବାକୁ ମିଳିବ ବୋଲି ମଧ୍ୟ କୁହାଯାଉଛି। ହେଲେ ନିର୍ମାତା ଏପର୍ଯ୍ୟନ୍ତ କିଛି ସ୍ଥିର କରିନାହାନ୍ତି । ସେପଟେ, ସାମନ୍ଥା ମାୟୋସିଟିସ୍ ନାମକ ଏକ ରୋଗରେ ପୀଡିତ ଥିଲେ ବୋଲି ସୂଚନା ମିଳିଥିଲା । ଯେଉଁଥିପାଇଁ ସେ ଫିଲ୍ମ ଇଣ୍ଡଷ୍ଟ୍ରିରୁ ବିରତି ନେଇଥିଲେ । ହେଲେ ସାମନ୍ଥା ଏବେ ସୁସ୍ଥ ଅଛନ୍ତି ଏବଂ ସେ ତାଙ୍କ ପରିବାର ଳୋକଙ୍କ ସହ ଛୁଟି କାଟୁଛନ୍ତି ।
