ଓଡ଼ିଶା 365 (ବ୍ୟୁରୋ) : ବିଶ୍ୱକପରେ ଭାରତକୁ ସ୍ୱର୍ଣ୍ଣ। ରିଓ ସୁଟିଂ ଆଇଏସ୍ଏସ୍ଏଫ୍ ବିଶ୍ୱକପ୍ରେ ଚମକିଛନ୍ତି ଭାରତର ଅଲମ୍ପିଆନ୍ ଇଲାବେନିଲ ବଲାରିବାନ, ମହିଳା ବର୍ଗର ୧୦ମିଟର ଏୟାର ରାଇଫଲ୍ ଇଭେଣ୍ଟରେ ଜିତିଛନ୍ତି ସ୍ୱର୍ଣ୍ଣ ପଦକ। ବିଶ୍ୱକପ୍ରେ ଏହା ତାଙ୍କର ଦ୍ୱିତୀୟ ଗୋଲ୍ଡ ମେଡାଲ। ୮ ଜଣ ମହିଳାଙ୍କ ମଧ୍ୟରେ ଜବରଦସ୍ତ ପ୍ରଦର୍ଶନ କରିଥିଲେ ଇଲାବେନିଲ । ସେ ଫାଇନାଲରେ ୨୪ଟି ସଟ୍ରେ କୌଣସି ବି ପ୍ରତିଯୋଗୀ ୧୦.୧ର କମ୍ ପଏଣ୍ଟ କରିପାରିନାହାନ୍ତି ।
ଇଲାବେନିଲ ୨୫୨.୨ ପଏଣ୍ଟ ସହ ଫ୍ରାନ୍ସର ଓୌସିଏନ୍ ମ୍ୟୁଲରଙ୍କୁ କରିଛନ୍ତି ପରାସ୍ତ । ମ୍ୟୁଲର ୨୫୧.୯ ପଏଣ୍ଟ ସହ ଦ୍ୱିତୀୟ ସ୍ଥାନରେ ରହିଛନ୍ତି। ଚୀନର ହେଂଗ ଜିୟାଲେ ତୃତୀୟ ସ୍ଥାନରେ ରହି କାଂସ୍ୟ ପଦକ ହାତେଇଛନ୍ତି ।ଇଲାବେନିଲ ୬୩୦.୫ ପଏଣ୍ଟ ସହ କ୍ୱାଲିଫିକେସ୍ନ ପର୍ଯ୍ୟାୟରେ ଅଷ୍ଟମ ସ୍ଥାନରେ ଥାଇ ମଧ୍ୟ ଫାଇନାଲରେ ପ୍ରବେଶ କରି ଫାଇନାଲ ରାଉଣ୍ଡରେ ଟପ୍ରେ ରହି ଜିତିଥିଲେ ସ୍ୱର୍ଣ୍ଣ ବାଜି।
