ଏସିଆ କପ୍ ରବିବାର ଭାରତ- ଶ୍ରୀଲଙ୍କା ଫାଇନାଲ୍ ଲଢେଇ

ଓଡ଼ିଶା 365 (ବ୍ୟୁରୋ) : ରବିବାର କଲମ୍ବୋରେ ଭାରତ ଏବଂ ଶ୍ରୀଲଙ୍କା ମଧ୍ୟରେ ଖେଳିଯିବ ଏସିଆ କପର ହାଇଭୋଲଟେଜ ଫାଇନାଲ ମ୍ୟାଚ୍ ଯାହାକୁ ଚାତକପରି ଚାହିଁରହିଛନ୍ତି କ୍ରିକେଟ ପ୍ରେମୀ। ଭାରତ ଏବଂ ଶ୍ରୀଲଙ୍କା ୧୯ ଟି ଫାଇନାଲରେ ସାମନା ସାମନି ହେଇଛନ୍ତି । ଉଭୟ ୯-୯ ଥର ଜିତିଛନ୍ତି ଗୋଟିଏ ମ୍ୟାଚ ଡ୍ର ରହିଛି । ଶେଷ ଥର ପାଇଁ ଭାରତ-ଶ୍ରୀଲଙ୍କା ପରସ୍ପରକୁ ୬ ଏପ୍ରିଲ ୨୦୧୪ରେ ଟି -୨୦ ବିଶ୍ୱକପ ଫାଇନାଲରେ ଭେଟିଥିଲେ । ୧୩ ବର୍ଷ ପରେ ଏସିଆ କପ ଫାଇନାଲରେ ଉଭୟ ଦଳ ପରସ୍ପରକୁ ଭେଟୁଛନ୍ତି ।

୨୦୧୦ରେ ଦୁହିଙ୍କ ମଧ୍ୟରେ ଶେଷ ଫାଇନାଲ ମ୍ୟାଚ ଖେଳାଯାଇଥିଲା । ଭାରତ ଏହାକୁ ୮୧ ରନରେ ଜିତି ନେଇଥିଲା । ଏ ପର୍ଯ୍ୟନ୍ତ ଏସିଆ କପ୍ ଫାଇନାଲ୍ ଉଭୟଙ୍କ ମଧ୍ୟରେ ୭ ଟି ମ୍ୟାଚ ଅନୁଷ୍ଠିତ ହୋଇଛି । ଭାରତ ୪ ଥର ଏବଂ ଶ୍ରୀଲଙ୍କା ୩ ଥର ବିଜୟ ହାସଲ କରିଛି । ସୁପର ସଣ୍ଡେରେ ଭାରତ ବିଜୟ ହାସଲ କରି ଏସିଆ କପ ଟ୍ରଫି ତୋଳିଧରୁ ବୋଲି ଆଶାରଖିଛନ୍ତି କ୍ରିକେଟ ପ୍ରଶଂସକ।