ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ରୁବିନା ଦିଲେକ । ମା’ ହେବାକୁ ଯାଉଛନ୍ତି ରୁବିନା । ଫଟୋ ଶେୟାର କରି ଫ୍ୟାନ୍ସଙ୍କୁ ଦେଲେ ଖୁସି ଖବର । ସବୁବେଳେ ତାଙ୍କ ପ୍ରେଗନେନ୍ସିକୁ ନେଇ ଅନେକ ଚର୍ଚ୍ଚା ହେଉଥିଲା। ଏବେ ସେହି ଚର୍ଚ୍ଚରେ ପୂର୍ଣ୍ଣଛେଦ ପଡିଛି । ସେ ଗର୍ଭବତୀ ଅଛନ୍ତି ବୋଲି ନିଜେ ରୁବିନା ସୋସିଆଲ ମିଡିଆ ଆଗରେ ସୂଚନା ଦେଇଛନ୍ତି। ସେ ତାଙ୍କ ସ୍ବାମୀ ଅଭିନବ ଶୁକ୍ଳାଙ୍କ ସହ ଏକ ପୋଷ୍ଟ ଶେୟାର କରିଛନ୍ତି। ଯେଉଁଥିରେ ତାଙ୍କ ବେବି ବମ୍ପ ସ୍ପଷ୍ଟ ଦେଖାଯାଉଛି।
ଫଟୋ ଶେୟାର କରି କ୍ୟାପଶନରେ ରୁବିନା ଲେଖିଛନ୍ତି ଯେ, ଯେବେଠୁ ଆମେ ପରସ୍ପରକୁ ଡେଟ କରିବା ଆରମ୍ଭ କରିଥିଲୁ ଆମେ ପ୍ରତିଶ୍ରୁତି ଦେଇଥିଲୁ ଯେ ଆମେ ଏକାଠି ଓ୍ବାର୍ଲ୍ଡ ଟ୍ରାଭେଲ କରିବୁ। ତା’ ପରେ ଆମେ ବିବାହ କଲୁ। ଏବଂ ବର୍ତ୍ତମାନ ଏକ ପରିବାର ଭାବେ ଆମେ ଶୀଘ୍ର ଆମର କୁନି ଅତିଥିଙ୍କୁ ସ୍ବାଗତ କରିବାକୁ ଯାଉଛି । ସେପଟେ ରୁବିନା ମା’ ହେବା ଖବର ଶୁଣି ଫ୍ୟାନ୍ସ ମାନେ ରୁବିନା-ଅଭିନବଙ୍କୁ ଶୁଭେଚ୍ଛା ଜଣାଇଛନ୍ତି ।
