ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ୍ କିଙ୍ଗ୍ ଶାହାରୁଖ ଖାନ୍ । ‘ପଠାନ’ ପରଠାରୁ ଶାହାରୁଖଙ୍କ ଦବଦବା ବଲିଉଡରେ ଜାରି ରହିଛି । ବର୍ତ୍ତମାନ ସାରା ବିଶ୍ୱରେ ‘ଜୱାନ’ର କ୍ରେଜ୍ ଦେଖିବାକୁ ମିଳୁଛି । ରିଲିଜ ପରଠାରୁ ବକ୍ସ ଅଫିସରେ ଧମାଲ କରୁଛି ‘ଜୱାନ’ । ଦର୍ଶକଙ୍କ ଭରପୂର ଭଲପାଇବା ଯୋଗୁ ଫିଲ୍ମଟି ବକ୍ସ ଅଫିସରେ ବହୁତ ଭଲ ବ୍ୟବସାୟ କରୁଛି।ଯାହାକୁ ନେଇ ପୁରା ‘ଜୱାନ’ ଟିମ୍ ଖୁସି ଅଛନ୍ତି । ନିକଟରେ ‘ଜୱାନ’ର ସଫଳତା ପାର୍ଟି ମଧ୍ୟ ମୁମ୍ବାଇରେ ସେଲିବ୍ରେସନ କରାଯାଇଥିଲା । ଯେଉଁଥିରେ ଫିଲ୍ମର ନିର୍ଦ୍ଦେଶକ ଅଟଲି, ଶାହରୁଖ ଖାନ୍ ଏବଂ ଦୀପିକା ପାଦୁକୋନଙ୍କୁ ଦେଖିବାକୁ ମିଳିଥିଲା ।
ସେପଟେ ‘ଜୱାନ’ର କ୍ରେଜ୍ ଥମିନଥିବାବେଳେ ଦର୍ଶକମାନଙ୍କୁ କ୍ରିସମାସ୍ରେ ଆଉ ଏକ ଉପହାର ଭେଟିଦେବାକୁ ଯାଉଛନ୍ତି ବଲିଉଡ କିଙ୍ଗ୍ । ଏନେଇ ନିଜେ ଶାହରୁଖ ପ୍ରଶଂସକଙ୍କୁ ବଡ ଅପ୍ଡେଟ୍ ଦେଇଛନ୍ତି। ନିର୍ଦ୍ଦେଶକ ରାଜକୁମାର ହିରାନୀଙ୍କ ‘ଡଙ୍କି’ରେ ନଜର ଆସିବେ ଶାହାରୁଖ। ଏହାର ଶୁଟିଂ ପ୍ରାୟ ଶେଷ ହୋଇସାରଲାଣି। କେବେ ଏହା ରିଲିଜ୍ ହେବ ସେନେଇ ନାନାଦି କଳ୍ପନା କରାଯାଉଥିଲା। ଚଳିତ ବର୍ଷ ଦୁଇଟି ଫିଲ୍ମ ରିଲିଜ ହୋଇଥିବା ଯୋଗୁ ଅଭିନେତାଙ୍କ ଏହି ଫିଲ୍ମଟି ଆସନ୍ତା ବର୍ଷ ପରଦାକୁ ଆସିବ ବୋଲି କୁହାଯାଉଥିଲା। ହେଲେ ସମସ୍ତ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି ଶାହାରୁଖ।
ଶୁକ୍ରବାର ‘ଯବାନ’ର ସଫଳତାକୁ ନେଇ ଆୟୋଜିତ ଖବରଦାତା ସମ୍ମିଳନୀରେ କିଙ୍ଗ୍ ଖାନ୍ ‘ଡଙ୍କି’ ଆସନ୍ତା ବର୍ଷ ନୁହେଁ ବରଂ ଏବର୍ଷ ହିଁ ରିଲିଜ ହେବ ବୋଲି ସ୍ପଷ୍ଟ କରିଛନ୍ତି। ଆସନ୍ତା କ୍ରିସମାସ୍ ଡେ ଅବସରରେ ବଡ଼ ପରଦାକୁ ଆସିବ ବୋଲି ଶାହରୁଖ ପ୍ରକାଶ କରିଛନ୍ତି । ଯାହା ଶୁଣି ଫ୍ୟାନ୍ସମାନଙ୍କ ଦିଲ୍ ପୁଣି ଥରେ ଖୁସି ହୋଇଯାଇଛି । ଏବେ ଖାଲି ପିଲ୍ମ ରିଲିଜକୁ ଅପେକ୍ଷା ।
