ଓଡ଼ିଶା 365 (ବ୍ୟୁରୋ): ଆସନ୍ତା ୨୨ ତାରିଖକୁ ଘୁଞ୍ଚିଲା ବାଚସ୍ପତି ନିର୍ବାଚନ। ଏଣୁ ୨୧ରେ ନୁହଁ ୨୨ରେ ହେବ ବାଚସ୍ପତି ନିର୍ବାଚନ । ୨୨ ତାରିଖ ସକାଳ ୯.୩୦ ମିନିଟରେ ହେବ ନିର୍ବାଚନ । ଏନେଇ ଖୁବଶୀଘ୍ର ପ୍ରକାଶ ପାଇବ ବିଜ୍ଞପ୍ତି । ଏନେଇ ୨୧ ତାରିଖରେ ହେବ ନାମାଙ୍କନ ଦାଖଲ ।
ସୂଚନାଯୋଗ୍ୟ, ଆସନ୍ତା ୨୨ରୁ ଆରମ୍ଭ ହେଉଛି ବିଧାନସଭାର ମୌସୁମୀ ଅଧିବେଶନ । ପୂର୍ବରୁ ୨୧ ରେ ହେବାକୁ ଥିବା ବାଚସ୍ପତି ନିର୍ବାଚନକୁ ବର୍ଜନ କରିବାକୁ ଘୋଷଣା କରିଥିଲେ ବିରୋଧୀ କଂଗ୍ରେସ ଓ ବିଜେପି । କାରଣ ନୂଆଖାଇ ପର୍ବ ଥିବାକୁ ବାଚସ୍ପତି ନିର୍ବାଚନକୁ ବର୍ଜନ କରିବାକୁ ପ୍ରଥମେ ଘୋଷଣା କରିଥିଲା କଂଗ୍ରେସ । ଏହା ପରେ ବାଚସ୍ପତି ନିର୍ବାଚନ ସୂଚୀକୁ ବଦଳାଇ ଦିଆଯାଇଛି। ଏହି କ୍ରମରେ ୧୮ ତାରିଖରେ ବାଚସ୍ପତି ନିର୍ବାଚନ ପାଇଁ ନାମାଙ୍କନ ଦାଖଲ ତାରିଖ ଥିବା ବେଳେ ବର୍ତ୍ତମାନ ୨୧ ତାରିଖରେ ନାମାଙ୍କନ ଦାଖଲ ହେବ । ଏହା ପରେ ୨୨ ତାରିଖ ସକାଳ ୯.୩୦ ମିନିଟରେ ବାଚସ୍ପତି ନିର୍ବାଚନ ହେବ ।
