ଓଡ଼ିଶା 365 (ବ୍ୟୁରୋ):ଜଳିଗଲା ପୁନମ୍ ପାଣ୍ଡେଙ୍କ ଘର । ସୋସିଆଲ୍ ମିଡିଆରେ ଭାଇରାଲ ହେଲା ଫଟୋ ଓ ଭିଡିଓ । ପୁନମ୍ ପାଣ୍ଡେ ବଲିଉଡର ଜଣେ ଆଗଧାଡ଼ିର ନାୟିିକା ଭାବେ ବେଶ୍ ଜଣାଶୁଣା । ବର୍ତ୍ତମାନ ତାଙ୍କ ଆପାର୍ଟମେଣ୍ଟରେ ନିଆଁ ଲାଗିଯାଇଥିଲା। ଏହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ସେୟାର କରାଯାଇଛି । ସୌଭାଗ୍ୟବଶତଃ ଦୁର୍ଘଟଣା ସମୟରେ ଅଭିନେତ୍ରୀ ଘରେ ନଥିଲେ ହେଲେ ତାଙ୍କ ପୋଷା କୁକୁରଟି ଘରେ ଥିଲା। ହେଲେ ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ ।
ସୂଚନା ମୁତାବକ, ପୁନମ୍ ପାଣ୍ଡେ ମୁମ୍ବାଇରେ ଥିବା ଏକ ଆପାର୍ଟମେଣ୍ଟର ୧୬ତମ ମହଲାରେ ରୁହନ୍ତି। ତାଙ୍କ ଆପାର୍ଟମେଣ୍ଟରେ ନିଆଁ ଲାଗିବା ଖବର ପାପାରାଜି ଭାଇରାଲ ଭୟାନୀ ଅଭିନେତ୍ରୀଙ୍କ ରୁମ୍ର ଫଟୋ ସେୟାର କରି ଦୁର୍ଘଟଣା ବିଷୟରେ ସୂଚନା ଦେଇଥିଲେ । ପୁନମ ଘରେ ନଥିବା ବେଳେ ତାଙ୍କ ପୋଷା କୁକୁର ସେଠାରେ ଥିବା ସମୟରେ ଏହି ଦୁର୍ଘଟଣା ଘଟିଥିଲା। ଠିକ୍ ସେହିସମୟରେ ପୁନମଙ୍କ ଚାକରାଣୀ ପୋଷା କୁକୁରକୁ ଉଦ୍ଧାର କରିଥିଲେ । ଅନ୍ୟପଟେ ଅଗ୍ନିଶମ ବିଭାଗ ଖବର ପାଇବା ମାତ୍ରକେ ସେଠାରେ ପହଞ୍ଚି ନିଆଁ ଲିଭାଇ ଥିଲେ । ସେପଟେ ଏପର୍ଯ୍ୟନ୍ତ ଏହି ପ୍ରସଙ୍ଗରେ ପୁନମଙ୍କ ପକ୍ଷରୁ କିଛି ସୂଚନା ମିଳିପାରି ନାହିଁ ।
