ଓଡ଼ିଶା 365 (ବ୍ୟୁରୋ):ଚର୍ଚ୍ଚାରେ ବଲିଉଡ୍ କିଙ୍ଗ୍ ଶାହରୁଖ ଖାନ୍ । ଇତିହାସ ରଚୁଛି ଫିଲ୍ମ ‘ଜୱାନ’ । ସାରା ଦେଶରେ ନିଜର ଜଲୱା ଦେଖାଉଛନ୍ତି ଶାହରୁଖ । ଫିଲ୍ମ ‘ଜୱାନ’ ଦେଖିବା ପରେ ପ୍ରଶଂସା ନକରି ରହିପାରୁନାହାନ୍ତି ଦର୍ଶକ । ସମସ୍ତଙ୍କ ମୁହଁରେ ‘ଜୱାନ’ଓ ଶାହରୁଖଙ୍କ ପ୍ରଶଂସା । କେବଳ ଭାରତ ନୁହେଁ ଦେଶ ବିଦେଶରେ ବି ହଇଚଇ ସୃଷ୍ଟି କରୁଛି ‘ଜୱାନ’ । ବକ୍ସ ଅଫିସରେ ଧମାଲ୍ କରିବା ସହ ଲୋକଙ୍କ ମନ ଜିଣିବାରେ ଲାଗିପଡିଛି । ପ୍ରଥମ ଦିନରେ ୧୨୯. ୬ କୋଟି ଆୟ କରିବା ଦିନ ଠାରୁ ଏହି ଫିଲ୍ମଟି ପ୍ରତ୍ୟେକ ଦିନ ଗୋଟିଏ ପରେ ଗୋଟିଏ ରେକର୍ଡ ସୃଷ୍ଟି କରି ଚାଲିଛି। ସମସ୍ତ ବ୍ଲକବଷ୍ଟର ଫିଲ୍ମର ରେକର୍ଡ ବ୍ରେକ୍ କରି ଆଗକୁ ମାଡ଼ି ଚାଲିଛି କିଙ୍ଗ୍ ଖାନଙ୍କ ଫିଲ୍ମ ‘ଜୱାନ’ ।
ଅଟଲିଙ୍କ ନିଦ୍ଦେର୍ଶିତ ଫିଲ୍ମରେ ଶାହରୁଖ, ନୟନତାରା ଓ ଦୀପିକା ପାଦୁକୋନଙ୍କ ଜଲୱା ଦେଖି ସାରା ଦେଶ ‘ଜୱାନ’ ପ୍ରେମରେ ଦିୱାନା ହେଇଯାଇଛି । ଲୋକମାନେ ଏହି ଫିଲ୍ମକୁ ଏତେ ମାତ୍ରାରେ ଭଲପାଇବା ଦେଇଛନ୍ତି ଯେ, ଯାହାକୁ ଦେଖି ‘ଜୱାନ’ ଟିମ୍ ଆଶ୍ଚର୍ଯ୍ୟ ହୋଇଯାଇଛନ୍ତି । ନିକଟରେ ‘ଜୱାନ’ର ସଫଳତାକୁ ପାଳନ କରିବା ପାଇଁ ମୁମ୍ବାଇରେ ଏକ ବିଶାଳ କାର୍ୟ୍ୟକ୍ରମ ଆୟୋଜିତ ହୋଇଥିଲା। ଏଥିରେ ଶାହାରୁଖ ଖାନ, ଦୀପିକା ପାଦୁକୋନ ଏବଂ ଅଟଲିଙ୍କୁ ଦେଖିବାକୁ ମିଳିଥିଲା । କିନ୍ତୁ ନୟନତାରା ଅନୁପସ୍ଥିତ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ‘ଜୱାନ’ର ଏତେ ମାତ୍ରାରେ ସଫଳ ହୋଇଛି ହେଲେ ନୟନତାରା ଏହି ସକ୍ସେସ୍ ପାର୍ଟିରେ ଯୋଗ ଦେଇନଥିଲେ । ହେଲେ କ’ଣ ପାଇଁ ସେ ପାର୍ଟିରେ ଯୋଗଦେଲେ ନାହିଁ ତାହା ଏବେ ସମସ୍ତଙ୍କ ମନରେ ଏକ ପ୍ରଶ୍ନବାଚୀ ସୃଷ୍ଟି କରିଛି ।
ସେପଟେ ସେପ୍ଟେମ୍ବର ୭ରେ ମୁକ୍ତିଲାଭ କରିଥିଲା ଫିଲ୍ମ ‘ଜୱାନ’ । ପ୍ରଥମ ଦିନରେ ୭୫କୋଟି ଟଙ୍କା ସଂଗ୍ରହ କରିଥିଲା। ଦ୍ୱିତୀୟ ଦିନରେ ୫୩.୨୩କୋଟି ଟଙ୍କାର ବ୍ୟବସାୟ କରିଥିବାବେଳେ ,ତୃତୀୟ ଦିନରେ ୭୭.୮୩ କୋଟି, ଚତୁର୍ଥ ଦିନରେ ୮୦.୦୧ କୋଟି, ପଞ୍ଚମ ଦିନରେ ୩୨.୯୨ କୋଟି, ଷଷ୍ଠ ଦିନରେ ୨୬କୋଟି ଏବଂ ସପ୍ତମ ଦିନରେ ୨୩କୋଟି ଟଙ୍କା ଆୟ କରି ବଲିଉଡରେ ଇତିହାସ ରଚୁଛି ଶାହରୁଖଙ୍କ ଫିଲ୍ମ ‘ଜୱାନ’ ।
