ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ ଷ୍ଟାର ଅର୍ଜୁନ କପୁର । ନିକଟରେ ମଲାଇକାଙ୍କୁ ନେଇ ସୋସିଆଲ ମିଡିଆରେ ଚର୍ଚ୍ଚାରେ ଥିବାବେଳେ ଏବେ ଫିଲ୍ମକୁ ନେଇ ପୁଣିଥରେ ଚର୍ଚ୍ଚାକୁ ଆସିଛନ୍ତି । ଅର୍ଜୁନ କପୁରଙ୍କୁ ଶେଷଥର ପାଇଁ ‘ଏକ ଥା ଭିଲେନ୍ ରିଟର୍ନସ୍’ରେ ଦେଖିବାକୁ ମିଳିଥିଲା। ହେଲେ ଏଥର ତାଙ୍କୁ ଏକ ନୂଆ ପ୍ରୋଜେକ୍ଟରେ ଦେଖିବାକୁ ମିଳିବ । ସୂଚନା ଅନୁଯାୟୀ, ଅର୍ଜୁନ କପୁର ରୋହିତ ଶେଟ୍ଟୀଙ୍କ ଆଗାମୀ ଫିଲ୍ମ ‘ସିଙ୍ଘମ୍ ଅଗେନ’ ରେ ଦେଖିବାକୁ ମିଳିବେ। ହେଲେ ନିର୍ମାତା ଏପର୍ୟ୍ୟନ୍ତ ଏହାକୁ ପ୍ରକାଶ କରିନାହାଁନ୍ତି। ହେଲେ ଖବର ଢଖବର ମୁତାବକ ଅର୍ଜୁନଙ୍କୁ ଏହି ଫିଲ୍ମରେ ଭିଲେନ୍ ଭୂମିକାରେ ଦେଖିବାକୁ ମିଳିବ।
ଅର୍ଜୁନ କପୁର ଅଜୟ ଦେବଗନ ଏବଂ ଦୀପିକା ପାଦୁକୋନଙ୍କୁ ଏହି ଚଳଚ୍ଚିତ୍ର ‘ସିଙ୍ଘମ ଅଗେନ’ରେ ଦେଖିବାକୁ ମିଳିବ । ଏହି ଫିଲ୍ମରେ ଭିଲେନ୍ ଭୂମିକାରେ ଅଭିନୟ କରିବାକୁ ଯାଉଛନ୍ତି ଅର୍ଜୁନ କପୁର । ଏହାସହ ଦୀପିକାଙ୍କୁ ଏହି ଫିଲ୍ମରେ ଲେଡି ସିଙ୍ଘମ ରୁପେ ଦେଖିବାକୁ ମିଳିବ । ଏଥିରେ ସେ ଅଜୟଙ୍କ ଭଉଣୀ ଭୂମିକାରେ ଅଭିନୟ କରିବେ। ସେପଟେ ଅର୍ଜୁନ ରୋହିତ ଶେଟ୍ଟୀଙ୍କ କପ ୟୁନିଭର୍ସରେ ଯୋଗ ଦେଉଛନ୍ତି ହେଲେ ଏ କଥାକୁ ରୋହିତ ଏବଂ ତାଙ୍କ ଟିମ୍ ସସ୍ପେନ୍ସରେ ରଖିଛନ୍ତି। ‘ସିଙ୍ଘମ ଅଗେନ ‘ ନିର୍ମାତାମାନେ ଫିଲ୍ମର ରିଲିଜ୍ ତାରିଖ ଘୋଷଣା କରିଛନ୍ତି। ଫିଲ୍ମଟି ଅଗଷ୍ଟ ୧୫, ୨୦୨୪ରେ ସାଉଥ୍ ସୁପରଷ୍ଟାର୍ ଅଲୁ ଅର୍ଜୁନଙ୍କ ପୁଷ୍ପା ୨: ଦି ରୁଲ୍ ସହିତ ମୁକ୍ତିଲାଭ କରିବ।
