ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ କିଙ୍ଗ ଶାହରୁଖ ଖାନ୍ । ରେକର୍ଡ ସୃଷ୍ଟି କରୁଛି ‘ଜୱାନ’ । ସବୁ ହିନ୍ଦୀ ସିନେମାକୁ ପଛରେ ପକାଇ ଇତିହାସ ରଚିଲା କିଙ୍ଗ୍ ଖାନଙ୍କ ଫିଲ୍ମ ‘ଜୱାନ’ । କେବଳ ଭାରତ ନୁହେଁ ଦେଶ ବିଦେଶରେ ବି ହଇଚଇ ସୃଷ୍ଟି କରୁଛି ‘ଜୱାନ’ । ବକ୍ସ ଅଫିସରେ ଧମାଲ୍ କରିବା ସହ ଲୋକଙ୍କ ମନ ଜିଣିବାରେ ଲାଗିପଡିଛି । ପ୍ରଥମ ଦିନରେ ୧୨୯. ୬ କୋଟି ଆୟ କରିବା ଦିନ ଠାରୁ ଏହି ଫିଲ୍ମଟି ପ୍ରତ୍ୟେକ ଦିନ ଗୋଟିଏ ପରେ ଗୋଟିଏ ରେକର୍ଡ ସୃଷ୍ଟି କରି ଚାଲିଛି। ସମସ୍ତ ବ୍ଲକବଷ୍ଟର ଫିଲ୍ମର ରେକର୍ଡ ବ୍ରେକ୍ କରି ଚାଲିଛି କିଙ୍ଗ୍ ଖାନଙ୍କ ଫିଲ୍ମ ‘ଜୱାନ’ ।
ଏହି ଫିଲ୍ମ ହିଟ୍ ହେବା ପଛର ଘଟଣା ଏବେ ସାମ୍ନାକୁ ଆସିଛି । ଯାହା ଜାଣିବାକୁ ଫ୍ୟାନ୍ସମାନେ ଚାତକ ପରି ଚାହିଁ ବସିଥିଲେ । ପ୍ରଥମେ ‘ପଠାନ’ ଏବଂ ବର୍ତ୍ତମାନ ‘ଜୱାନ’ ଏହି ଦୁଇଟି ଯାକ ଫିଲ୍ମ ହିଟ୍ ହେବା ପଛର ନାୟିକା ହେଉଛନ୍ତି ଜଣେ । ଯାହାଙ୍କ ପାଇଁ ଶାହରୁଖଙ୍କ ପ୍ରତ୍ୟେକଟି ଫିଲ୍ମ ହିଟ୍ ହୋଇଥାଏ । ଏହି ଅଭିନେତ୍ରୀ ବି କିଛି କମ୍ ନୁହଁନ୍ତି । ସେ ବଲିଉଡର ଜଣେ ଆଗ ଧାଡିର ନାୟିକା । ଅନେକ ହିଟ୍ ଫିଲ୍ମ କରି ଫ୍ୟାନ୍ସ ମାନଙ୍କୁ ନିଜ ଷ୍ଟାଇଲିସ୍ ନଜରରେ ଫିଦା କରିଥାନ୍ତି ଏହି ଅଭିନେତ୍ରୀ । ଅନେକ ଫ୍ୟାନ୍ସମାନଙ୍କ ହୃଦୟର ଧଡ଼କନ୍ ସାଜିଥାନ୍ତି ଏହି ଅଭିନେତ୍ରୀ । ସେ ଆଉ କେହି ନୁହଁନ୍ତି ସେ ହେଉଛନ୍ତି ବଲିଉଡ କ୍ୟୁଇନ୍ ଦୀପିକା ପାଦୁକୋନ ।
ଦୀପିକା ‘ପଠାନ’ରେ ମୁଖ୍ୟ ଭୂମିକାରେ ନଜର ଆସିଥିବାବେଳେ ‘ଜୱାନ’ରେ ତାଙ୍କର କ୍ୟାମିଓରେ ଅଛନ୍ତି। ‘ଜୱାନ’ ରେ ଦୀପିକାଙ୍କ ଚରିତ୍ରକୁ ମଧ୍ୟ ବହୁତ ପସନ୍ଦ କରାଯାଉଛି । ଦୀପିକାଙ୍କୁ କୌଣସି ପ୍ରକାରରେ ଶାହାରୁଖ ପ୍ରତ୍ୟେକ ଚଳଚ୍ଚିତ୍ରରେ ଦେଖିବାକୁ ମିଳିଥାଏ ।
