ଓଡ଼ିଶା 365 (ବ୍ୟୁରୋ): ବଲିଉଡର ସବୁଠାରୁ ପ୍ରିୟ କପଲ ହେଲେ ରଣବୀର କପୁର ଓ ଆଲିଆ ଭଟ୍ଟ । ଦୁହେଁ ରିୟଲ୍ ଲାଇଫ୍ ଏବଂ ରିଲ୍ ଲାଇଫକୁ ନେଇ ସବୁବେଳେ ଚର୍ଚ୍ଚାରେ ଥାଆନ୍ତି । ଉଭୟ ବଲିଉଡକୁ ବିବାହ ପୂର୍ବରୁ ଏବଂ ବିବାହ ପରେ ମଧ୍ୟ ଅନେକ ହିଟ୍ ଫିଲ୍ମ ଦେଇଛନ୍ତି । ନିକଟରେ ଏହି ଦମ୍ପତି ଏକ କନ୍ୟା ସନ୍ତାନକୁ ଜନ୍ମ ଦେଇ ପିତା, ମାତା ହେବାର ସୌଭାଗ୍ୟ ଲାଭ କରିଛନ୍ତି । ଉଭୟଙ୍କ ଫ୍ୟାନ୍ସ ଫଲୋର୍ସ ମଧ୍ୟ ଖୁବ୍ ଅଧିକ । ସୂଚନା ଅନୁଯାୟୀ, ବର୍ତ୍ତମାନ ଆଲିଆ ଏବଂ ରଣବୀର ନ୍ୟୁୟର୍କରେ ଛୁଟି କାଟୁଛନ୍ତି। ଯାହାର ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଛି । ଉଭୟେ ନ୍ୟୁୟର୍କରେ ଛୁଟିକୁ ମନ ଖୋଲି ଉପଭୋଗ କରୁଛନ୍ତି। ଏହି ସମୟରେ ଆଫଗାନିସ୍ତାନ କ୍ରିକେଟ୍ ଦଳର ଅଲରାଉଣ୍ଡର ରସିଦ ଖାନ ତାଙ୍କ ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲରେ ଲାଟେଷ୍ଟ ଫଟୋ ସେୟାର କରିଛନ୍ତି। ଯେଉଁଥିରେ ସେ ବଲିଉଡର ସୁପରଷ୍ଟାର ରଣବୀର ଏବଂ ଆଲିଆଙ୍କ ସହ ନଜର ଆସିଛନ୍ତି। ଏହି ଫଟୋରେ ରଣବୀର ଏବଂ ଆଲିଆ ରସିଦ ଖାନଙ୍କ ସହ ହସିକି ପୋଜ୍ ଦେଉଥିବାର ଦେଖିବାକୁ ମିଳିଛି।
ସେପଟେ ରସିଦ୍ ସୋସିଆଲ ମିଡିଆରେ ଫଟୋ ସେୟାର କରି ଲେଖିଛନ୍ତି ଯେ, “ବଲିଉଡର ଦୁଇ ବଡ କଳାକାର, ଆଲିଆ ଏବଂ ରଣବୀରଙ୍କୁ ଭେଟିବା ପରେ ମତେ ବହୁତ ଭଲ ଲାଗିଲା। ଏମାନଙ୍କ ଯୋଡି ଖୁବ୍ ସୁନ୍ଦର ।
ସେପଟେ ରସିଦଙ୍କ ଫଟୋକୁ ଦେଖି ଅନେକ ଫ୍ୟାନ୍ସ୍ ଫଲୋର୍ସ ବି ଖୁସି ହେଉଛନ୍ତି ।
