ଓଡ଼ିଶା 365 (ବ୍ୟୁରୋ): ଦିନକୁ ଦିନ କମୁଛି ‘ଜୱାନ’ ର କ୍ରେଜ୍ । ବକ୍ସ ଅଫିସରେ ଧମାଲ୍ କରୁଥିବାବେଳେ ଏବେ ସେହି କ୍ରେଜ୍ କମିବାରେ ଲାଗିଛି । ଯାହାକୁ ନେଇ ଚିନ୍ତାରେ ପଡ଼ିଛନ୍ତି ଫିଲ୍ମ ନିର୍ମାତା । ଗତ ଗୁରୁବାର ରିଲିଜ୍ ହୋଇଥିଲା ଫିଲ୍ମ ‘ଜୱାନ’ । ରିଲିଜ୍ ହେବା ମାତ୍ରେ ଫିଲ୍ମର ଯାଦୁ ଦର୍ଶକଙ୍କୁ କାବୁ କରିଥିଲା । ଶାହାରୁଖ ଖାନଙ୍କ ଚଳଚ୍ଚିତ୍ର ପ୍ରଥମ ଦିନରେ ସାରା ବିଶ୍ୱରେ ୧୨୦ କୋଟିରୁ ଅଧିକ ବେପାର କରିବ ବୋଲି ବିଶେଷଜ୍ଞମାନେ ଆକଳନ କରିଥିଲେ । ଯଦି ଏହିଭଳି ଦର୍ଶକଙ୍କ ଭଲପାଇବା ମିଳିଲା ତେବେ ଫିଲ୍ମଟି ଖୁବଶୀଘ୍ର ୧୦୦୦କୋଟି କ୍ଲବରେ ସାମିଲ ହେବ ବୋଲି କୁହାଯାଉଥିଲା। ହେଲେ ଏବେ ଫିଲ୍ମର ଆୟ ଦେଖି ବିଶେଷଜ୍ଞଙ୍କ ଆକଳନ ସତ ନହୋଇପାରେ ବୋଲି ଆଶଙ୍କା କରାଯାଉଛି।
କାରଣ ଦିନକୁ ଦିନ ‘ଜୱାନ’ ର କ୍ରେଜ୍ କମିବାରେ ଲାଗିଛି । ପ୍ରଥମ ସପ୍ତାହରେ ‘ଜୱାନ’ ଏତେ ଭଲ ଇନକମ୍ କରିଥିଲା ଯେ, ଯାହାକୁ ଦେଖି ନିର୍ମାତା ମାନେ କହୁଥିଲେ ଯେ ଶାହରୁଖଙ୍କ ଏହି ଫିଲ୍ମ ଇତିହାସ ରଚିବ । କାରଣ ସେହି ସମୟରେ ରିଲିଜ୍ ହୋଇଥିବା ପ୍ରତ୍ୟେକଟି ଫିଲ୍ମକୁ ପଛରେ ପକାଇ ରେକର୍ଡ ସୃଷ୍ଟି କରିଥିଲା ଫିଲ୍ମ ‘ଜୱାନ’ । ଯାହାକୁ ଦେଖି ନିର୍ମାତା ମାନେ ଆଶା କରିଥିଲେ ଯେ, ଏହି ଫିଲ୍ମ ୧୦୦୦ କୋଟି କ୍ଲବରେ ସାମିଲ୍ ହେବ । ହେଲେ ବର୍ତ୍ତମାନ ‘ଜୱାନ’ର କ୍ରେଜ୍ କମିବାକୁ ଲାଗିଛି ।
ସେପଟେ ‘ଜୱାନ’ ରିଲିଜ୍ ହେବାର ପ୍ରଥମ ଦିନରେ ୭୫କୋଟି ଟଙ୍କା ସଂଗ୍ରହ କରିଥିଲା। ଦ୍ୱିତୀୟ ଦିନରେ ୫୩.୨୩କୋଟି ଟଙ୍କାର ବ୍ୟବସାୟ କରିଥିବାବେଳେ ,ତୃତୀୟ ଦିନରେ ୭୭.୮୩ କୋଟି, ଚତୁର୍ଥ ଦିନରେ ୮୦.୦୧ କୋଟି, ପଞ୍ଚମ ଦିନରେ ୩୨.୯୨ କୋଟି, ଷଷ୍ଠ ଦିନରେ ୨୬କୋଟି ଏବଂ ସପ୍ତମ ଦିନରେ ୨୩କୋଟି ଟଙ୍କା ଆୟ କରିଛି। ଏବେ ଏହି ଫିଲ୍ମ ଅଷ୍ଟମ ଦିନରେ ୧୯.୫୦ କୋଟି ଟଙ୍କା ରୋଜଗାର କରିବ ବୋଲି ଆଶା କରାଯାଉଛି ।
