ଓଡ଼ିଶା 365 (ବ୍ୟୁରୋ) : ଭାଇ ହେଲା ଭଗାରି, କାଇଁ କେଉଁ ସମୟରୁ ଭାଇକୁ ଭାଇସହିତ ଲଢ଼ିବାର କଥାତ ଆପଣ ସୁଣଇଥିବେ । କିନ୍ତୁ ଭାଇକୁ ହତ୍ୟା କରିବା ବାସ୍ତବରେ ହୃଦୟ ବିଦାରକ । ହଁ ଆଜ୍ଞା ସମ୍ପତ୍ତି ଲୋଭରେ ଅନ୍ଧ ହୋଇ ବଇରି ସାଜିଲା ଭାଇ । ଜମିବାଡ଼ି ଲୋଭରେ ଭାଇକୁ ଧନୁ ତୀରରେ ଆକ୍ରମଣ କଲା ଭାଇ । ଜମି ବିବାଦକୁ କେନ୍ଦ୍ର କରି ନିଜ ବଡ଼ବାପା ପୁଅ, ଦାଦା ପୁଅଭାଇକୁ ଧନୁତୀରରେ ଆକ୍ରମଣ କରିଥିବା ଅଭିଯୋଗ ହୋଇଛି । ଏପରି ଘଟଣା ଦେଖିବାକୁ ମିଳିଛି ମାଲକାନଗିରି ମଲାଭରମ୍ ପଞ୍ଚାୟତର କମାରଗୁଡା ଗ୍ରାମରେ । ଆକ୍ରମଣର ଶିକାର ହୋଇଥିବା ଆଦିବାସୀ ଯୁବକ ବୋଜି ବେଟିକୁ ଗୁରୁତର ଅବସ୍ଥାରେ ଏମଭି ୭୯ ଡାକ୍ତରଖାନାରେ ଭର୍ତ୍ତି କରାଯାଇଛି । ତାଙ୍କର ଚିକିତ୍ସା ଚାଲିଥିବା ବେଳେ ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିବା ସହ ୪ଜଣଙ୍କୁ ଗିରଫ କରିଛି ।
ଜମିବାଡି ଭାଗବଣ୍ଟାକୁ କେନ୍ଦ୍ର କରି ବୋଜି ବେଟିଙ୍କ ଉପରେ ଭାଇ ଆକ୍ରମଣ କରିଥିଲା । ପୁଲିସ ଫଳରେ ବୋଜିଙ୍କ ହାତରେ ୩ଟି ତୀର ପଶି ଯାଇଥିବା ବେଳେ ପିଠିରେ ଗୋଟିଏ ତୀର ବାଜିଥିଲା । ଘଟଣାସ୍ଥଳରେ ବୋଜିଙ୍କ ପରିବାର ଲୋକେ ପହଞ୍ଚି ବୋଜିଙ୍କୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ ଏସମ୍ପର୍କରେ ବୋଜିଙ୍କ ପରିବାର ମୋଟୁ ଥାନାରେ ଏକ ମାମଲା ରୁଜୁ କରିଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ଏକ ମାମଲା ରୁଜୁ କରି ୪ଜଣକୁ ଗିରଫ କରିଥିବା ମଟୁ ଥାନା ଅଧିକାରି ଫୋନ୍ ଯୋଗେ ସୂଚନା ଦେଇଛନ୍ତି ।
