ବିହାର ଡଙ୍ଗା ବୁଡି ଘଟଣା :  ଏବେବି ଅନେକ ନିଖୋଜ, ଉଦ୍ଧାରକାର୍ଯ୍ୟ ରହିଛି ଜାରି

ଓଡ଼ିଶା 365 (ବ୍ୟୁରୋ) : ବିହାରରୁ ଏକ ବଡ଼ ଖବର ସାମ୍ନାକୁ ଆସିଛି । ମୁଜାଫର୍‌ପୁର ଜିଲ୍ଲାରେ ପ୍ରବାହିତ ବାଗମତୀ ନଦୀରେ ୩୦ଜଣ ପିଲାଙ୍କୁ ନେଇ ଯାଉଥିବା ଏକ ଡଙ୍ଗା ଓଲଟି ପଡ଼ିଛି । ଫଳରେ ୨୪ଜଣ ନିଖୋଜ ହୋଇ ଯାଇଛନ୍ତି । ସେମାନଙ୍କ ମଧ୍ୟରୁ ୨୦ଜଣଙ୍କୁ ଉଦ୍ଧାର କରାଯାଇଛି । ଆହୁରି ଏନେକ ଜଣ ବୁଡି ଯାଇଥିବା ଆଶଙ୍କା କରାଯାଉଛି। ନିଖୋଜ ପିଲାମାନଙ୍କୁ ଉଦ୍ଧାର କରିବା ପାଇଁ ଅଭିଯାନ ଆରମ୍ଭ ହୋଇଛି । କିନ୍ତୁ ଘଟଣାକୁ ନେଇ ସମ୍ପୃକ୍ତ ଅଞ୍ଚଳରେ ଆତଙ୍କ ଖେଳିଯାଇଛି । ଡଙ୍ଗାରେ ଉକ୍ତ ପିଲାମାନେ ସ୍କୁଲ୍‌ ଯାଉଥିଲେ। ଏହି ସମୟରେ ଅଚାନକ ଡଙ୍ଗାଟି ପାଣିରେ ବୁଡ଼ି ଯାଇଥିଲା । ଛାତ୍ରଛାତ୍ରୀଙ୍କ ସମେତ ମୋଟ ୩୨ ଜଣ ଯାତ୍ରୀ ଡଙ୍ଗାରେ ଥିଲେ । ନିଖୋଜ ଥିବା ଲୋକଙ୍କୁ ଉଦ୍ଧାର କରିବା ପାଇଁ ଉଦ୍ଧାରକାର୍ଯ ଜାରି ରହିଥିୂବା ସୂଚନା ମିଳିଛି ।