ଓଡ଼ିଶା 365 (ବ୍ୟୁରୋ): ଆଖିବୁଜିଲେ ବଲିଉଡର ଲୋକପ୍ରିୟ ଅଭିନେତା ରିଓ କାପାଡ଼ିଆ । ମାତ୍ର ୬୬ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ଆଜି ତାଙ୍କର ମୃତ୍ୟୁ ହୋଇଥିବା ଖବର ତାଙ୍କ ବନ୍ଧୁ ଫୈଜଲ ମଲିକ ସୂଚନା ଦେଇଛନ୍ତି । ସେପ୍ଟେମ୍ବର ୧୫ ତାରିଖରେ ଗୁଡ଼ଗାଓଁର ଶିବ ଧାମ ଶ୍ମଶାନ ଭୂମିରେ ତାଙ୍କର ଅନ୍ତିମ କ୍ରିୟା କରାଯିବ ବୋଲି ଫୈଜଲ ମଲ୍ଲିକ ସୂଚନା ଦେଇଛନ୍ତି। ରିଓ ତାଙ୍କ ପତ୍ନୀ ମାରିଆ ଫାରହ, ପୁଅ ଅମନ ଓ ବୀରଙ୍କ ଏକା କରି ଆରପାରିକୁ ଚାଲିଯାଇଛନ୍ତି ବୋଲି ଫୈଜଲ କହିଛନ୍ତି ।
ସେପଟେ ତାଙ୍କ ଦେହାନ୍ତ ଖବର ସୁନିଶ୍ଚିତ କରି ରିଓଙ୍କ ଘନିଷ୍ଠ ବନ୍ଧୁ ଫୈଜଲ ମଲିକ କହିଛନ୍ତି ଯେ, ବନ୍ଧୁଗଣ… ଅତ୍ୟନ୍ତ ଦୁଃଖର ସହ କହିବାକୁ ପଡ଼ୁଛି ଯେ ରିଓ କପାଡିଆ ଆମ ଗହଣରେ ଆଉ ନାହାଁନ୍ତି। ସେପ୍ଟେମ୍ବର ୧୪ ଦିନ ୧୨.୩୦ରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କର ଶେଷ ରୀତିନୀତି ଆସନ୍ତାକାଲି ଅର୍ଥାତ୍ ୧୫ ସେପ୍ଟେମ୍ବରରେ କରାଯିବ। ଅବଶିଷ୍ଟ ବିବରଣୀ ସନ୍ଧ୍ୟା ସୁଦ୍ଧା ପରିବାର ପକ୍ଷରୁ ଦିଆଯିବ ବୋଲି କହିଛନ୍ତି ।
ସୂଚନା ଅନୁଯାୟୀ ଅନେକ ହିଟ୍ ଫିଲ୍ମରେ ରିଓ କାମ କରିଛନ୍ତି। ସେ ‘ଚକ୍ ଦେ ଇଣ୍ଡିଆ’, ‘ମରଦାନୀ’, ‘ହାପି ନିଉ ଇୟର’, ‘ଦିଲ୍ ଚାହତା ହେ’ ଭଳି ଫିଲ୍ମରେ କାମ କରିଥିଲେ । ଏହାସହ ସେ ‘ଖୁଦା ହାଫିଜ୍’, ‘ବିଗ୍ ବୁଲ୍’,‘ ଏଜେଣ୍ଟ ବିନୋଦ’ ‘ମେଡ୍ ଇନ୍ ହେଭେନ ୨’ ,‘ସପ୍ନେ ସୁହାନେ ଲଡକପନ୍ କେ’ ଏବଂ’ ସିଦ୍ଧାର୍ଥ ତିୱାରୀ’ଙ୍କ ‘ମହାଭାରତ’ରେ ଗାନ୍ଧାରୀଙ୍କ ପିତାଙ୍କ ଭୂମକାରେ ସେ ଅଭିନୟ କରିଥିଲେ ।
