ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବିଗ୍ ବସ୍ OTT ବିଜେତା ଏଲଭିଶ୍ ଯାଦବ । ବିଗ୍ ବସ୍ ତାଙ୍କୁ ଏ ଦୁନିଆରେ ଏକ ସ୍ୱତନ୍ତ୍ର ପରିଚୟ ଦେଇଥିଲା । ଏହି ଶୋ’ରୁ ବାହାରିବା ଦିନଠାରୁ ତାଙ୍କର ଫ୍ୟାନ୍ସ ଫଲୋର୍ସ ବହୁତ ବଢ଼ିଯାଇଥିଲେ । କହିବାକୁ ଗଲେ ବିଗ୍ ବସ୍ ଏଲଭିଶଙ୍କ ଭାଗ୍ୟକୁ ବଦଳାଇ ଦେଇଥିଲା । ସୂଚନା ଅନୁଯାୟୀ, ବର୍ତ୍ତମାନ ସେ ମ୍ୟୁଜିକ୍ ଆଲବମ୍ରୁ ଚଳଚ୍ଚିତ୍ରର ଅଫର ପାଇଛନ୍ତି। ଏହି ସମୟରେ ଏଲଭିଶ ତାଙ୍କ ଜନ୍ମଦିନ ପାଳନ କରିବା ପାଇଁ ଦୁବାଇରେ ପହଞ୍ଚିଛନ୍ତି।
ଏଲଭିଶ୍ ଏକ ନୂଆ ଭ୍ଲଗ୍ ସେୟାର କରିଛନ୍ତି । ଯେଉଁଥିରେ ସେ ତାଙ୍କ ଦୁବାଇର ଘରକୁ ଦେଖାଉଥିବାର ନଜର ଆସିଛନ୍ତି । ଏଲଭିଶ ଦୁବାଇରେ ୮ କୋଟି ଟଙ୍କା ଦେଇ ଏହି ଘରଟିକୁ କିଣିଛନ୍ତି। ଯାହା ଅତ୍ୟନ୍ତ ଚମତ୍କାର । ଏହି ଘରର ବାହାରେ ଦୃଶ୍ୟ ମଧ୍ୟ ବହୁତ ଆଶ୍ଚର୍ୟ୍ୟ ଜନକ । ଏଲଭିଶ ବିମାନବନ୍ଦରରୁ ଦୁବାଇ ପର୍ୟ୍ୟନ୍ତ ବିତାଇଥିବା ଦିନର ଝଲକ ଦେଖାଇ କହିଛନ୍ତି ଯେ ତାଙ୍କ ଘରେ ଅସୀମିତ ରୁମ୍ ଥିବା ସହ ବିଳାସପୂର୍ଣ୍ଣ ୱାଶରୁମ ମଧ୍ୟ ଅଛି । ଏପରି ଘର ପାଇ ମୁଁ ବହୁତ ଖୁସି ବୋଲି କହିଛନ୍ତି ଏଲଭିଶ୍ ।
