ଓଡ଼ିଶା 365 (ବ୍ୟୁରୋ) : ଏସିଆ କପ୍ରେ ପାକିସ୍ତାନ-ଶ୍ରୀଲଙ୍କା ମଧ୍ୟରେ ଖେଳାଯିବ ନକ୍ଆଉଟ୍ ମ୍ୟାଚ୍ । ଜିତିଲେ ଫାଇନାଲ ଟିକେଟ୍ ହାରିଲେ ବିଦାହେବ ଟିମ୍ । ଏହି ହାଇ-ଭୋଲଟେଜ୍ ଟକ୍କର ଦେଖିବାକୁ ମିଳିବ କଲମ୍ବୋର ପ୍ରେମଦାସା ଷ୍ଟାଡିୟମରେ। ଆଜିର ମ୍ୟାଚ୍ ଉଭୟ ପାକିସ୍ତାନ ଓ ଶ୍ରୀଲଙ୍କା ପାଇଁ ଗୁରୁତ୍ବପୂର୍ଣ୍ଣ । ପୂର୍ବରୁ ଭାରତ ପାକିସ୍ତାନକୁ ହରାଇ ପ୍ରଥମ ଦଳ ଭାବେ ଏସିଆ କପରେ ଫାଇନାଲକୁ ପ୍ରବେଶ କରିଛି। ଆଜି ଶ୍ରୀଲଙ୍କା ଓ ପାକିସ୍ତାନ ମ୍ୟାଚର ବିଜେତା ଦ୍ବିତୀୟ ଫାଇନାଲିଷ୍ଟ ହେବ । ଭାରତ ସହ ଖେଳିବ ଏସିଆକପ ଫାଇନାଲ ।
ଉଭୟ ଦଳ ମ୍ୟାଚ୍ ବିଜୟ ପାଇଁ ରଣନୀତି ପ୍ରସ୍ତୁତ କରିଛନ୍ତି। ସେପଟେ ସୁପର-୪ ପଏଣ୍ଟ ଟେବୁଲରେ ଶୀର୍ଷରେ ରହିଛି ଭାରତ,୨ଟି ମ୍ୟାଚରୁ ଦୁଇଟି ବିଜୟ ସହ ୪ ପଏଣ୍ଟ ପାଇଛି। ଦ୍ବିତୀୟ ସ୍ଥାନରେ ଶ୍ରୀଲଙ୍କା ତୃତୀୟ ସ୍ଥାନରେ ରହିଛି ପାକିସ୍ତାନ। ଉଭୟ ପାକିସ୍ତାନ ଓ ଶ୍ରୀଲଙ୍କା ସୁପର-୪ ରାଉଣ୍ଡରେ ବାଂଲାଦେଶକୁ ପରାସ୍ତ କରିଥିଲେ। ମାତ୍ର ଉଭୟ ଦଳ ଭାରତ ଠାରୁ ପରାଜିତ ହୋଇଛନ୍ତି । ସେହିଭଳି ରନ୍ ରେଟ୍ରେ ଶ୍ରୀଲଙ୍କା ଆଗୁଆ ରହିଥିବାବେଳେ ବର୍ଷା ଯୋଗୁ ଆଜିର ମ୍ୟାଚ୍ ବାତିଲ ହେଲେ ଫାଇନାଲକୁ ଉଠିବ ଶ୍ରୀଲଙ୍କା । ତେବେ ଶୁକ୍ରବାର ଦିନ ବାଂଲାଦେଶକୁ ଭେଟିବ ଭାରତ ।
