ଓଡ଼ିଶା 365 (ବ୍ୟୁରୋ): ରେକର୍ଡ ସୃଷ୍ଟି କଲା ‘ଜୱାନ’ ,ଇତିହାସ ରଚିଲେ ବଲିଉଡର କିଙ୍ଗ୍ ଖାନ୍ ଶାହାରୁଖ୍ ଖାନ୍ । ଫିଲ୍ମ ‘ଜୱାନ’ ଦେଶ ବିଦେଶରେ ହଇଚଇ ସୃଷ୍ଟି କରୁଛି । ବକ୍ସ ଅଫିସରେ ଧମାଲ୍ କରିବା ସହ ଲୋକଙ୍କ ମନ ଜିଣିବାରେ ଲାଗିପଡିଛି । ପ୍ରଥମ ଦିନରେ ୧୨୯. ୬ କୋଟି ଆୟ କରିବା ଦିନ ଠାରୁ ଏହି ଫିଲ୍ମଟି ପ୍ରତ୍ୟେକ ଦିନ ଗୋଟିଏ ପରେ ଗୋଟିଏ ରେକର୍ଡ ସୃଷ୍ଟି କରି ଚାଲିଛି। ସମସ୍ତ ବ୍ଲକବଷ୍ଟର ଫିଲ୍ମର ରେକର୍ଡ ବ୍ରେକ୍ କରି ଚାଲିଛି କିଙ୍ଗ୍ ଖାନଙ୍କ ଫିଲ୍ମ ‘ଜୱାନ’ । ହେଲେ ଏହି ଚଳଚ୍ଚିତ୍ରଟି ୫ ଦିନରେ ୩୦୦ କୋଟିରୁ ଅଧିକ ଆୟ କରିଛି। ୬ଦିନରେ ଶାହାରୁଖଙ୍କ ଫିଲ୍ମ ପ୍ରାୟ ୨୬.୫୦କୋଟି ଟଙ୍କା ରୋଜଗାର କରିଥିଲେ। ଭାରତରେ ୬ଦିନର ‘ଜୱାନ୍’ ର ଟୋଟାଲ କଲେକସନ ୩୫୪.୫୪ କୋଟି ହୋଇଛି। ‘ଜୱାନ୍’ ୩୦୦ କୋଟି ଟଙ୍କା ରୋଜଗାର କରିବାରେ ଦ୍ରୁତତମ ବଲିଉଡ ଚଳଚ୍ଚିତ୍ର ହୋଇଛି।
ଭାରତୀୟ ସିନେମା ଇତିହାସରେ ଶାହାରୁଖ ଖାନଙ୍କ ଫିଲ୍ମ ‘ଜୱାନ’ ସମସ୍ତଙ୍କୁ ପଛରେ ପକାଇଦେଇଛି । ସନ୍ନି ଦେଓଲଙ୍କ ଗଦର ୨, ବାହୁବଲୀ ୨ ଏବଂ ପଠାନ୍ ପରି ବ୍ଲକବଷ୍ଟର ଚଳଚ୍ଚିତ୍ରକୁ ପଛରେ ପକାଇ ‘ଜୱାନ’ ଟ୍ରିପଲ୍ ସେଞ୍ଚୁରି ସ୍କୋର କରିବାରେ ଦ୍ରୁତତମ ଚଳଚ୍ଚିତ୍ର ହୋଇପାରିଛି। ସେପଟେ କ୍ରିକେଟ୍ ଏସିଆ କପ୍ ର ପ୍ରଭାବ ସତ୍ତ୍ୱେ ‘ଜୱାନ’ ବକ୍ସ ଅଫିସରେ ଭଲ ପ୍ରଦର୍ଶନ କରୁଛି ୬ ଦିନ ମଧ୍ୟରେ ୧୯୨ କୋଟିରୁ ଅଧିକ ଟଙ୍କା ବ୍ୟବସାୟ କରିସାରିଛି। ବିଶ୍ୱବ୍ୟାପୀ ସଂଗ୍ରହ ବର୍ତ୍ତମାନ ୫୭୮.୮ କୋଟିରେ ପହଞ୍ଚିଛି। ୭ ଦିନଧରି ବକ୍ସ ଅଫିସରେ ଦମଦାର କଲେକସନ୍ କରୁଛି । ବର୍ତ୍ତମାନ ‘ଜୱାନ’ ଫ୍ୟାନ୍ସମାନଙ୍କ ପାଇଁ ଏକ ଖୁସି ଖବର ଆସିଛି । ଖୁବଶୀଘ୍ର OTT ପ୍ଲାଟଫର୍ମରେ ରିଲିଜ୍ ହେବ ଫିଲ୍ମ ‘ଜୱାନ’ ।
ସୂଚନା ଅନୁଯାୟୀ, ଶାହାରୁଖଙ୍କ ‘ଜୱାନ୍’ ଚଳଚ୍ଚିତ୍ର ପାଇଁ ଓଟିଟି ପ୍ଲାଟଫର୍ମ ସହିତ କୋଟି କୋଟି ମୂଲ୍ୟର ଚୁକ୍ତି ହୋଇଛି। ଯାହା ଅଧୀନରେ ଏହି ଚଳଚ୍ଚିତ୍ରର ଓଟିଟି ରାଇଟ୍ସ ୨୫୦ କୋଟିରେ ବିକ୍ରି ହୋଇଛି । ତେବେ ଏ ସମ୍ପର୍କରେ କୌଣସି ଅପଫିସିଆଲ୍ ସୂଚନା ଦିଆଯାଇ ନାହିଁ। ହେଲେ ଫିଲ୍ମ ‘ଜୱାନ’ର ଓଟିଟି ରାଇଟ୍ସ ପାଇଁ ଏହି ଡିଲ୍ ନେଟଫ୍ଲିକ୍ସ ସହିତ କରାଯାଇଛି । ତେବେ ଏହି ଚଳଚ୍ଚିତ୍ରର ଓଟିଟି ରିଲିଜ୍ ତାରିଖ ସମ୍ପର୍କରେ କୁହାଯାଇନାହିଁ। ହେଲେ ନିୟମ ଅନୁଯାୟୀ, ଯେକୌଣସି ଚଳଚ୍ଚିତ୍ର ରିଲିଜ୍ ହେବାର ଚାରି ସପ୍ତାହ ପରେ OTT ପ୍ଲାଟଫର୍ମରେ ମୁକ୍ତିଲାଭ କରିପାରେ। ‘ଜୱାନ୍’ ବିଷୟରେ କହିବାକୁ ଗଲେ ଏହାର ଓଟିଟି ରିଲିଜ୍ ଅଧିକ ବିଳମ୍ବ ହୋଇପାରେ କାରଣ ଏହି ଚଳଚ୍ଚିତ୍ରଟି ବକ୍ସ ଅଫିସରେ ଧମାଲ ଜାରି ରଖିଛି।
