ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ସାଉଥ୍ ଅଭିନେତ୍ରୀ ସାଇ ପଲ୍ଲବୀ ଏବଂ ଅମୀର ଖାନଙ୍କ ପୁଅ ଜୁନେଦ ଖାନ୍ । ଦକ୍ଷିଣ ଭାରତୀୟ ଚଳଚ୍ଚିତ୍ର ଆଧାରରେ ସାରା ବିଶ୍ୱରେ ନିଜ ପାଇଁ ଏକ ସ୍ୱତନ୍ତ୍ର ପରିଚୟ ହାସଲ କରିଛନ୍ତି ସାଇ ପଲ୍ଲବୀ। ସେ ନିଜର ସୁନ୍ଦର ଅଭିନୟ ପାଇ ସମସ୍ତଙ୍କ ହୃଦୟରେ ରାଜ କରନ୍ତି ସାଇ । ତାଙ୍କ ଷ୍ଟାଇଲିସ୍ ଲୁକରେ ସଭିଏଁ ପାଗଳ ହୋଇଛନ୍ତି । ଦର୍ଶକଙ୍କ ମନ ଜିଣିନେଇଛନ୍ତି ଏହି ସାଉଥ୍ ହିରୋଇନ୍ । ସାଉଥରେ ଅନେକ ଅଭିନେତ୍ରୀ ଥିଲେ ମଧ୍ୟ ସମସ୍ତଙ୍କ ପ୍ରଥମ ପସନ୍ଦ ହୋଇଥାନ୍ତି ସାଇ ପଲ୍ଲବୀ । ଚର୍ଚ୍ଚାରେ ଥିବା ସାଇ ପଲ୍ଲବୀ ବର୍ତ୍ତମାନ ତାଙ୍କ ଫ୍ୟାନ୍ସମାନଙ୍କୁ ଖୁସି ଖବର ଦେଇଛନ୍ତି । ଚର୍ଚ୍ଚା ହେଉଛି ଖୁବଶୀଘ୍ର ବଲିଉଡରେ ଏଣ୍ଟ୍ରି କରିବେ ସାଇ ପଲ୍ଲବୀ । ସେହିପରି ଅମୀର ଖାନଙ୍କ ପୁଅ ଜୁନେଦ ଖାନ୍ ଖୁବଶୀଘ୍ର ସିଲଭର ସ୍କ୍ରିନ୍ରେ ଡେବ୍ୟୁ କରିବେ । କୁହାଯାଉଛି ଯେ, ସାଇ ପଲ୍ଲବୀ ଓ ଜୁନେଦ ଖାନଙ୍କ କେମେଷ୍ଟ୍ରି ଖୁବ୍ ଜମିବ । ‘ମାରି ୨’, ‘ଫିଦ’, ‘ଗର୍ଗୀ’ ସହିତ ନିଜର ଅଭିନୟ କରିଥିବା ଅଭିନେତ୍ରୀ ସାଇ ପଲ୍ଲବୀ ସମସ୍ତେ ହିନ୍ଦୀ ସିନେମାରେ ପାଦ ରଖିବାକୁ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି ।
ସେପଟେ ସାଇ ଏପର୍ୟ୍ୟନ୍ତ ବଲିଉଡରେ ଡେବ୍ୟୁ କରିନାହାଁନ୍ତି, ହେଲେ ତାଙ୍କ ଅଭିନୟ ଦ୍ୱାରା ହିନ୍ଦୀ ଦର୍ଶକମାନେ ବେଶ୍ ପ୍ରଭାବିତ ହୋଇଛନ୍ତି। ଏଭଳି ପରିସ୍ଥିତିରେ ସାଇ ତାଙ୍କ ହିନ୍ଦୀ ପ୍ରଶଂସକଙ୍କ ମଧ୍ୟରେ ଉପସ୍ଥିତ ରହିବାକୁ ସମ୍ପୂର୍ଣ୍ଣ ପ୍ରସ୍ତୁତ। ସାଇ ଏବଂ ଜୁନେଦଙ୍କ ଏହି ଚଳଚ୍ଚିତ୍ର ଏକ ପ୍ରେମ କାହାଣୀ ଭାବରେ ନିର୍ମିତ ହେବ ବୋଲି କୁହାଯାଉଛି। ଣଜୠ ରେ ତାଙ୍କର ପ୍ରଥମ ଚଳଚ୍ଚିତ୍ର ପରେ ଜୁନେଦ ତାଙ୍କର ପରବର୍ତ୍ତୀ ପ୍ରୋଜେକ୍ଟରେ କାମ କରିବେ ।
ସୂଚନା ଅନୁଯାୟୀ, ସୁନୀଲ ପାଣ୍ଡେ ଏକ ରୋମାଣ୍ଟିକ ଚଳଚ୍ଚିତ୍ର କାହାଣୀର ନିର୍ଦ୍ଦେଶନା ଦାୟିତ୍ୱ ଗ୍ରହଣ କରିବାକୁ ଯାଉଛନ୍ତି। ହେଲେ ବର୍ତ୍ତମାନ ସୁଦ୍ଧା ଏହି ଚଳଚ୍ଚିତ୍ର ବିଷୟରେ କୌଣସି ଅଫିସିଆଲ୍ ନିଷ୍ପତି ହୋଇନଥିବାବେଳେ ସୋସିଆଲ ମିଡିଆରେ ଏହି ଖବର ପ୍ରସାରିତ ହେବାପରେ ସାଇ ପଲ୍ଲବୀଙ୍କ ପ୍ରଶଂସକମାନେ ବହୁତ ଉତ୍ସାହିତ ହୋଇଛନ୍ତି। ଏବଂ ବଲିଉଡକୁ ତାଙ୍କୁ ସ୍ୱାଗତ ଜଣାଉଛନ୍ତି ।
